السبت، 26 مارس، 2011

rango 2011





Rango 2011

"No man can walk out of his own story" يمكن ده الخط الاساسى و سلوجن فى فيلم جونى ديب الجديد كارتون "رانجو" لمخرجه Gore Verbinski مخرج سلسله قراصنه الكاريبى و بتقييم 7.8 فى ال imdb تتوقع انك هتشوف فيلم جامد اخر تلت اربع حاجات...

بعد ما شفت الفيلم قلت لنفسى : "هى السينما الامريكيه لسه ما زهقتش من الفكره دى بقى؟" فكره الشخص العادى الوحيد - وان كان سحليه مش شخص المره دى - اللى يدخل مجتمع محلى مغلق عنده مشكله ما - بتختلف المشكله دى من فيلم للتانى- و كالعاده يكدب عليهم فى حاجه و غالبا ما تكون هويته و يعيش معاهم و يحبهم و يحبوه ثم يحب واحده من المجتمع المغلق ده و كالعاده برضه يتكشف لهم فيطردوه و بعدين يرجع يحل لهم المشكله و يكون الكل سعيد....تتغير بعض الاشياء فى تلك المعادله لكنها لا تكون كفايه ابدا لتغيير مجرى الفيلم ...تتلون التفاصيل لكن الشكل العام موحد و انت كمشاهد محترف للافلام الامريكيه هتلاقى نفسك عارف الفيلم رايح فين...

ده مش معناه ان الفيلم وحش بالعكس روح جونى ديب المرحه مطبوعه عالفيلم جدا و كاركتر شخصيه رنجو لذيذ و جميل قوى فى العموم...و فكره البوم المكسيكى اللى بيغنى طول الفيلم مرحه و مسليه..و كون المياه هى مشكله الفيلم فى تلك الصحراء فانا فضلت طول الفيلم حاسه بالعطش فحضر المياه جنب الفشار و انت بتتفرج..

مش مبهر زى how to train your dragon , ولا متكامل زى wall-e , مش ضخم زى toy story , مش فرنسى الرنين زى Illusionist ...لكن rango فيلم مسلى و جيد...










4 التعليقات:

Casper يقول...

بصراحة مشفتش الفيلم لكن انا من عشاق الممثل الرائع جوني ديب وبحب اي فيلم ليه

________

خالص تحياتي
تقبلي مروري

Casper

Carmen يقول...

اممم انا دلوقتي داخلة موب اوعدك احمله من الجهاز بس انا بحب جوني ديب جدا جميل السمري اللي فوق ده تسلم ايدك تقبلي زيارتي الاولي وليست الاخيرة باذن الله

د/دودى يقول...

كاسبر : انا كمان من محبى جونى ديب و خصوصا ان شخصيه الكارتون خفيفه زيه كده و تحسها شبهه

د/دودى يقول...

كارمن : منوره رفايع و الله

إرسال تعليق

حلو؟؟ وحش؟؟ طب ساكت ليه ما تقول....