الأربعاء، 16 مارس، 2011

ده وقته يا كابتن؟



فى عز محاوله المثقفين و اصحاب الفكر الليبرالى بتعديل تفكير الرأى العام لرفض التعديلات الدستوريه فى ظل موافقه فى الشارع شعر الجميع بخطورته...فؤجئت بالمخرج خالد يوسف يفجر ازمه جديده مش وقتها خالص ادخل الحركات الحره و فنانين الثوره فى حساسيه لا ارى لها فائده الان...فى وقت نحاول فيه اكتساب الرأى العام وسط اقناع اخوانى و تواجد حقيقى يفأجانى خالد يوسف فى برنامج عمرو اديب امبارح بانتقاد الشيخ الشعراوى فى كليب "الثائر الحق" الشهير!!!....


اؤمن بمقوله القائل الامام مالك بن انس رحمه الله مشيرا لقبر الرسول :

كل يؤخذ منه ويرد إلا صاحب هذا القبر

طبعا محدش معصوم من الخطأ او صحيح 100% فى كل حاجه لكن ده وقته يا كابتن؟؟ ملقتش غير الشيخ الشعراوى يعنى ؟ معروف ان الشيخ الشعراوى نظرا لاسباب كثيره : اولها: علمه الواسع الذى لم يختلف عليه احد - حتى الان طبعا فالاستاذ خالد يوسف من الرواد- 

ثانيهما:  كون الشيخ الشعراوى من الشجعان القلائل فى عصره مما لم يتهم بالمنافقه ابدا

 ثالثها:  هو كاريزما الشيخ الشعراوى و محبته فى قلوب المصريين مسلمين واظن اقباط كمان ..

رابعهم ان الشيخ الشعراوى ليس موجدا اصلا فى دار الباطل بل انه فى دار الحق و بالتالى لا يستطيع الرد مما يثير غضاضه المشاهدين اللى هما الموطنين ذى حق الاستفتاء..

فمش معقول وسط الاخوان ما بيبنوا ان نعم للتعديلات صدقه جاريه نجى ندخل نفسنا احنا فى خلق حساسيه مع الشارع فى موقف قد يفسد ما حارب الليبراليون من اجله و يخرب رأى عام اتخنق من عجرفه طويله من شباب الثوره كرهت سيدات البيوت فيهم و مشاهدى التلفزيون ....و طبعا احنا لسه عندنا جزئيه ان من اكرهه سأصوت عكس ما يقول كنوع من الانتقام فاذا اراد خالد يوسف خلق المشاكل لنفسه فليفعل و لكن لا تجلب المشاكل على رأس "لا" للتعديلات




خف شويه يا استاذ خالد...مش عايزه اقول كلام اقسى من كده!!

8 التعليقات:

آخر أيام الخريف يقول...

أنا كمان مش عاجبنى كليب الشعراوى ... كونه توفى الله يرحمه يوجب له الدعاء بالرحمة لكن ما يمنعناش نقول رأينا ...

على فكرة قصة محبته الكبيرة دى مش مظبوطة قوى يا دودى ... فيه ناس كتير و أنا شخصياً منهم مبتحبوش ... التحفظات عليه كتير بس أولاً و أخيراً هو بين ايدين الله زى ما قلتى فنكتفى بالترحم عليه .

السوأل اللى كان لازم يسأله خالد يوسف : ليه ظهر الكليب ده دلوقت بالذات ؟و هل له علاقة بالزيطة اللى اتعملت لعبود الزمر و عملية التلميع الإعلامى المبالغ فيه اللى بيعملوها الإخوان لنفسهم ؟ الله أعلم , بس أنا المجمل العام كده مش مريحنى أبداً .

تحياتى يا قمرة.

د/دودى يقول...

بغض النظر عن اختلافى تقريبا 90% من كلامك...لكن كلامى مركز على اضرار خالد ب "لا" من حيث استفزاز الجمهور اللى already مستفز من وقف الحال اللى محمله على الثوره و الثوار و مازق الجمهور مع خالد يوسف اصلا...

سكندري يقول...

هو قال ايه بالظبط ؟

د/دودى يقول...

http://www.youtube.com/watch?v=7qRIbB3V5S4

هو طبعا بيتكلم بادب لكن الشيخ الشعراوى محبب جماهريا و انتقاد كلامه يثير الحنق شويه

آخر أيام الخريف يقول...

مش معنى إنه محبب جماهيرياً إنه إله مبيغلطش يا دودى .. للأسف النظرة دى و خصوصاً للرموز الدينية أحد أخطاء كتير فى ثقافتنا محتاجة تتفرمت .

دمتِ بكل الود يا جميلة

د/دودى يقول...

كل ياخد و يرد عليه الا صاحب هذا القبر...لكن فن السياسه ده علم فى حد ذاته و توجيهه الجماهير محتاج كياسه معينه و واضح ان التصرف اضر باتجاه خالد يوسف...

سكندري يقول...

شفت الفيديو
و انا مع كلام الشيخ الشعرواي قلباً و قالباً و هو فعلاً عنده حق "الثائر الحق لا بد ألا يظل طول الحياة ثائراً ، و أظن أن الكلام كان واضح جداً "لابد أن يثور فيهدم فساد و يهدأ فيبني مجداً"
أظن ده ما فهوش حاجة يعني

بس عايز اوضح حاجة بسيطة

الانسان بطبيعته ثائر و مش عاجبه حالة و عايز الاحسن يعني حتي وهو بيبني بيبني حاجة و بعدين يلاقيها مش قد كده و يلاقي في الاحسن و يفضل دائماً يثور بس في البناء

يثور ثورة هادئة، ثورة للبناء الافضل كما ثار في الاول ثورة لهدم الفاسد علشان يبني علي نظافة ...

بس حاسس ان كلام يوسف برضه اُسئ فهمه و ده يمكن علشان السياسة- في راي- هي كيفية اختيار كلامك و لم توجه...

فكلام خالد يوسف لو سمعه واحد بيتفرج عليه و فاهم دماغه يقول اه يوسف عنده حق احنا لازم نثور علشان نكون أفضل و لان لسه الافضل ما وصلش

و كلام الشيخ "الشعرواي" مثلا لمن يسمعه هيقول اه كلامه صح لانه فاهم دماغة و عارف هو بيقول ايه

عارفين يا "دكاترة" ايه المشكلة في نظري دلوقتي

ان الحاجة بقيت منتشرة جداً علي النت و التلفزيون و كل واحد بيحللها من وجهة نظرة هو و دي الذريعة اللي بتحصل بيها الفتن و تقوم من أجلها المعارك و يا بخت اللي بيعرف يكسب في الزحمة دي في وقت الكل عايز يفوز فيه

يا رب مصر تفوز

د/دودى يقول...

يا رب مصر تفوز ....عشان كده لازم تحسس على كلامك لان خلاص الكل بقى بالمرصاد

إرسال تعليق

حلو؟؟ وحش؟؟ طب ساكت ليه ما تقول....