الثلاثاء، 8 مارس، 2011

لحناً فرنسي الرنين..لحناً كأيامي حزين


ولمحت طوق الياسمين
في الأرض .. مكتوم الأنين
كالجثة البيضاء
تدفعه جموع الراقصين
ويهم فارسك الجميل بأخذه
فتمانعين
وتقهقهين
" لاشيء يستدعي انحناْك
ذاك طوق الياسمين .. "   ......." اغنيه ماجده الرومى ل نزار قبانى"



هو طوق الياسمين ده هو حريتنا و امانا اللى كنت فاكره انه يساوى عندنا حاجه...و ظننت انك تدركين انه انفس ما نملك فى دنيانا الفانيه على هذا الكوكب المسمى الارض..حريتنا و احترامنا لبعض بقى زى "طوق الياسمين" بتاع نزار قبانى كده اللى كلنا كانا مقتعنين انه اجمل ما نمك انقاه و اطهره كلنا كتبنا 1 يناير عن حزننا بتلوث اجندتنا الجديده التى لم يفض ورقها بعض بدماء مصريه على ارض مصر فى اسكندريه بايد غيرنا كتبت انا و كتب غيرى , حطينا عالفيس بوك صور الهلال مع الصليب و كتبنا فى المدونات ذكريات الطفوله و احلام الشباب و صداقتنا فى الشغل مع "عنصر الامه الاخر" ..قلنا يومها امن الدوله هو اللى موقعنا فى بعض و احنا حبايب و بلاش الفازعه دى و احنا اقوياء ببعض و مش محتاجين حد ينقذنا من بعض...كتبت يومها ذكرياتى مع مريم العذراء التى اطلب منها الصفح الان لما نفعله ببعض الان ...و طوق الياسمين بتدفعه جموع الرقصين و الكل عايز حته من التورته


وبدأت أكتشف اليقين , و جه اليوم اللى اكتب فيه و دموعى على خدى و دمى يغلى غضبا و اعصابى تتحطم و يعلو صوت قلبى على صوت دقات الكيبورد اعترف و كلى الم و خوف و ذعر من بكره اجى اليوم اللى اقول فيه ان امن الدوله كان حايشنا من بعض!!!..


للدرجه دى كنت مخدوعه فى المصريين؟! للدرجه دى احنا مش زى ما بنقول؟! نبقى فى التحرير من 25 ل حد 11 فبراير بننام و نقوم مع بعض و اول ما نخلص نضرب بعض بالنار الحى فى السيده عائشه؟! ايه يعنى احنا كدابين و لا مخدوعين؟! طب النظام "البائد" و كان بيقول ان كل ده من بره و احنا بنحب بعض بس القاعده تقتل المسيحين و امريكا بتحارب لهم و احنا مش عايزين تتدخل من الاتنين, صدرها لامن الدوله و قال دى مشكله امنيه يحلها المباحث بقى ...صوتنا بقى و قلنا " الهلال مع الصليب قشطه و مربى و حليب" و احنا حبايب و ملكوش دعوى انتوا ....و يوم ما نفضى لبعض و نتخلص من اللى كان قاعد على قلبنا نقطع فى بعض؟!!!!!!!.....


بلدنا بتضييع بين ايدنا... و يتردد فى اذنى ذاك اللحن الفرنسى الرنين لحنا كايامى حزين..اعذرونى من نبره الاكتئاب الواضحه فى كلامى لكن استر يا رب

0 التعليقات:

إرسال تعليق

حلو؟؟ وحش؟؟ طب ساكت ليه ما تقول....