الأحد، 29 ديسمبر، 2013

حوليات182:وزير التعليم القادم


فى امريكا حصص الانجليزى بتجبر الطلبة انهم يقروا كتب ثقافية او تاريخية و يكتبوا عنها مقالات فيها ملخص للكتب و رأيهم فيه كجزء من المنهج و الدرجات

اهو انا لو وزيرة تعليم او ثقافة هاجبر الطالب انه على الاقل يقرا 5 كتب فى السنه بالطريقة دى , و ان المدرس يقراهم هو كمان حتى على الاقل يفهم و هو بيصحح الريفيو 

ال5 كتب يكونوا متغيرين مش كل الطلبة تقرا هو هو نفس ام الكتاب 

اه طبعا هيظهر ملخصات جاهزة للكتب عالطباعة عند الواد بحه بتاع النت , بس من ال1000 طالب فى يمكن منهم 100 يقروا فعلا , و من ال100 دول يجى 10 يعجبهم الموضوع و يقرروا يقروا كتب بره المنهج و تبقى عاده من حياتهم , و من ال10 دول واحد هيقرر ان دى متعه حياته و تبقى الكتب هى حياته نفسها مش مجرد عادة , الواحد ده لما يكبر يتعين وزير تعليم ...و هكذا

1 التعليقات:

P A S H A يقول...

كل سنة وحضرتك طيبة وبألف خير وصحة وسعادة ورضا وراحة بال وسلام وإن شاء الله يكون عام جديد سعيد عليكي وعلى أسرتك الكريمة وتحققين فيه كل ما تتمنين
:)

أطيب تحياتي

إرسال تعليق

حلو؟؟ وحش؟؟ طب ساكت ليه ما تقول....