الأحد، 22 ديسمبر 2013

حوليات175:

لو عندك مبرر منطقى الحقنى بيه ، انا شخصيا حاولت ادور على كلام ينقع الناس العقلاء و فشلت :

عندك سبب ان قسم النسا يلعن ان الامتحان الساعة ٨ صباحا و يكرر التنويه بكدة لدرجة انه يكتبه فى ورقة النظرى خصيصا ، فالناس تروح من سابعة و نص عشان تحجز و لسبب غير مفهموم تكون البداية <فعليا> الساعه ١١ الا ربع !!

عندك سبب ان لما صديقة تعترض بادب و هدوء تحسد عليه على التهربج ده فيكون الرد ان الدكتور يزعق و يجعر و يقل ادبه على الدفعه كلها و ان مش من حقنا نعترض من اصله

عندك سبب ان تكون ورقة الغياب واحدة و المطلوب تمر على ٥٠٠ طالب قبل الامتحان فيحصل تاخير نص ساعة كمان

عندك سبب ان دكتور يزق طالب قدام اللجنة كلها و تقريبا يوقعه على الارض و لما يعترض و يحب ياخد حقه يلاقى الف من يقول له يقعد و ميعملش مشاكل

عندك سبب ان زميلى اللى جنبى تعلم الموظفة على ورقته و تعرض درجات امتحانه كلها للخطر لانه رفض يتنقل من مكانه و يقعد على كيفها خاصة ان الموقف ده حصل قبل الامتحان بربع ساعه اصلا

عندك سبب ان زميلى اللى قدامى محدش يعلم على ورقته مع انه غش تقريبا جميع الاسئلة على عينك يا تاجر و قدام الدكاترة كلهم 

عندك سبب ان لما امتحان النظرى يجى صعب يدخل رئيس القسم على الفيس بالليل يضحك و معلنا -بلا ادنى قدر من الحرج- انه بيستمتع لما بيعذب فى الطلبة

عندك سبب اننا لما نتجمع و نحب نشتكى لادارة الكلية فيتقال لنا صريحة ان فى حساسيات بين طلبة دفعتنا و بين دكاترة القسم و يقال لنا من تحت لتحت ان دى تربية القسم لينا على نية الاضراب عقب القبض على زملاء فى اغسطس الماضى

عندك مبرر غير ان وقت الطالب و كرامته و مستقبله اللى بيفرق على درجة بين تكليفك جنب بيتك او فى السلوم لا يمثلوا ادنى اهمية لادارة الجامعة عموما و للكلية خصوصا؟ و كون انك تطلع طبيب تناقش علنا اخطر بكتير على مستقبل الطب -فى راى اهل الحل و الربط عندنا- اخطر بكتيييير من تطلع دكتور غشاش لو عندك اى مبرر منطقى تانى ادينى عقلك و ريح عقلى انا
!

#احنا_كريمة_المجتمع_تاخد_لحسة؟

https://www.facebook.com/dina.nabil.712/posts/614848348582849

1 التعليقات:

mohammad nabiel يقول...

مع الأسف ..
هناك الكثير من المرضى النفسسين يعيشون بننا ..
أسأل الله أن يحفظنا من أن نكون منهم أو مثلهم ونحن لا ندرى

إرسال تعليق

حلو؟؟ وحش؟؟ طب ساكت ليه ما تقول....