السبت، 16 نوفمبر، 2013

حوليات139:شفوى فى عالم موازى


"المكان: مستشفى الدمرداش فى عالم موازى "

-الدكتور: ها جاهزة لامتحان الشفوى؟

-انا: ان شاء الله يا دكتور

-الدكتور: اسمك ايه؟

-انا: دينا نبيل

-الدكتور: دينا نبيل بتاعه الجودريدز؟

-انا: "فى خجل مصطنع" اه انا

-الدكتور: انا متابع كل الريفيوهات بتاعتك...انتى بتقرى ده كله امتى؟

-انا: "مزيد من الخجل المزيف" انا بقرا بسرعه يا دكتور

-الدكتور: و ها بتقرى الجراحة بسرعه برضه؟

-انا: "ابتلع ريقى" احم لا بصراحة اصل ماليش فى الطب قوى

-الدكتور: مش مهم مش مهم ...المهم الثقافة ...انا هاديكى الدرجة النهائية

-انا: الف شكر , الف شكر

-الدكتور: دينا معندكيش رواية حلوه اقراها؟

-انا: لو مقرتش "قواعد العشق الاربعون" اقراها هتعجبك جدا

-الدكتور: اه سمعت عنها فعلا...شكرا يا دينا

-انا: العفو يا ضكتور

1 التعليقات:

Brunette يقول...

كلها طموحات و امانى :D
انا لسة ممتحنة شفوى يوم 11 ..و الغريب انه عدى كويس اوى !
انا كنت حاطة مدونتك خطة للقراية الاجازة دى !

إرسال تعليق

حلو؟؟ وحش؟؟ طب ساكت ليه ما تقول....