الأحد، 17 أغسطس، 2014

طفولة مشردة 2

الجيل الصغير مش مقدر انك يكون عندك شئ اسمه "ويكيبديا" يديك اى حاجة بتحلم بيها فى غمضة عين، اذكر و انا عندى ٨ سنين و بقرا كتاب ل محمد عبد الله عنان عن التاريخ الاسلامى فى مصر و اذ فجأة و فى وسط الكلام الاقى كلمة "السلاجقة" و انهم عملوا كذا و كذا و ان "القرامطة" عملوا كيت و كيت و لقيت روحى تنحت ، مين دول؟! طب و اسأل مين؟ 

جربت البحث بالطريقة القديمة رحت المكتبة قلت لهم عايزة كتاب عن "السلاجقة" لقيت امينة المكتبة بتبص لى ببلاهة مفرطة مصحوبه بكم هائل من الكسل و قالت الجملة الشهيرة: دورى انتى اهى المكتبة قدامك

اظن كمان ممكن تتخيل فتحه بق مدرسة الدراسات بتاعه ابتدائى و انا بقول لها : هو مين القرامطة دول يا ابله؟ قبل ولا بعد الدولة الطولونية يعنى؟

#كنت_طفلة_رخمة_جدا
#بوست_مش_عن_رابعة
#ولا_عن_الذكرى_الاولى_لاختفاء_البرادعى_زى_قرص_فوار_فيتامين_سى_فى_نص_كوباية_ميه

0 التعليقات:

إرسال تعليق

حلو؟؟ وحش؟؟ طب ساكت ليه ما تقول....