الأربعاء، 1 أبريل، 2015

عمرنا فى المواصلات

 خلاصة القول احنا بنضيع عمرنا فى المواصلات و زحمة العاصمة

الطريق اللى باخده للمستشفى كل يوم فى ٤٠ دقيقة عن طريق مواصلات+ مترو ...لمجرد انى غيرت الطريق و اخدت مواصلات بس اخدته فى ساعتين و ٥ دقايق!!

انت مخيل؟ ١٢٥ دقيقة من شبرا للعباسية!! انت عارف ان بحسابات خرايط جوجل السكة دى المفروض سواقة تاخد ٢٣ دقيقة؟ و انك لو اخدتها مشى على رجليك تاخد ٩٠ دقيقة؟

هل تعلم ان ال١٢٥ دقيقة دول يكفوا انك تسمع ٣٧ اغنية لفيروز؟ او انك تقرا كتاب متوسط الحجم؟ او انك تشوف فيلم لعمنا كيسلوفسكي مثلا؟تتفرج على ماتش كورة بالاستراحة بتاعتها؟ او انك تروح العين السخنة و تدلدل رجلك فى البحر؟!

0 التعليقات:

إرسال تعليق

حلو؟؟ وحش؟؟ طب ساكت ليه ما تقول....