ما هو حاجه من الاتنين يا مصرى التى انهكتنى و عذبتنى و رفعت ضغط اللى جابونى....حصل فيكى ثوره ولا دى اشاعه؟؟؟....فاذا كانت الاولى فلتنقذى رحمات الثوره مما اجده فى حياتنا السياسيه البائسه و ان كان الثانيه فعمل ثوره جديده او لنقل ثوره اولى هو الحل النهائى.....
بقى انا اسافر الغردقه 4 ايام اتفسح شويه و افك عن نفسى...اجى الاقى عمر سليمان مترشح للرئاسه و هيكسب كمان؟؟!!!...لحقتوا بوظتوا البلد فى الكام يوم دول , هو انا يعنى لازم اقعد احرسها ليل و نهار؟؟
الاخوان بغباءهم ضيعوا نفسهم و ضيعونا معاهم....يا غباءهم اللى ضيع الشباب و همشهم يا اما يكونوا باعونا و قبضوا التمن و الاسم برلمان يا سيدى البيه ....
بقى بعد ما سمعنا و حفظنا اغنيه "مطلوب زعيم" ترسى على عمر سليمان؟؟؟!!!!!..سى عمر؟!!..بالاختصار مطلوب دكر
طير فالسما و ملوش عنوان....اخرتها عمر سليمان
كلنا هنتحبس ساعتها لا الاخوان هينفعهم البرلمان ولا الليبرالين ليهم حد يحميهم اصلا ....
النهارده الدكتور بيسألنا عن هنرشح مين...فتعالت الاصوات باسماء ابرزها ابو الفتوح و ابو اسماعيل ....فرد الدكتور : حد فيكوا هيدى عمر سليمان(بلهجه معناها ابتعدوا عنه ففيه سم قاتل) فاذا بنا نقولها فى صوت واحد : هنديله صوتنا طبعا....و حين استغرب الدكتور اخبرناه ان امن الدوله و المخابرات شغاله و الحيطان لها ودان ....تعالت الضحكات لكنه ضحك كالبكاء
اخبرناه بان انتخابات اتحاد الطلبه اليوم ...فسأل عن المرشحين...فأجبنا بصوت واحد هندى عمر سليمان برضه .....
احب اقول للجماعه اللى عايزين يتهربوا من انهم شتموه فى يوم...بان المخابرات مش هيدخل عليها الجو ده
ضاقت لما استحكمت حلاقاتها...اترشح عمر سليمان و شلنى....
3 التعليقات:
Merci :)
ربنا يعوض علينا بقى :(
عليه ومنه العوض .. اهو طلع الحمد لله
إرسال تعليق
حلو؟؟ وحش؟؟ طب ساكت ليه ما تقول....