الاثنين، 13 يونيو 2011

خالتى بتسلم عليك!



مره واحد صيعدى اسمه "هريدى" جابوه عشان يشتغل جاسوس , قالوا له : جمع المعلومات و هنبعت مندوب ياخدها منك و كلمه السر "خالتى بتسلم عليك"...بعد شهر المندوب راح يلم المعلومات من هريدى...سأل البواب :هى شقه هريدى فين؟؟ ,رد البواب : عندنا اتنين هريدى احد فى الدور التانى و واحد فى الدور الرابع ..طلع المندوب الدور التانى ففتح واحد قاله المندوب : خالتى بتسلم عليك , رد عليه الراجل و قله : لا حضرتك تقصد هريدى الجاسوس ده ساكن فى الدور السادس !!!.....


امبارح قبضوا على واحد جاسوس اسرائيلى لكن مش عارفه ليه حسيته جاسوس اهبل ...البيه الجاسوس بياخد صور فى التحرير و جنب الهرم و فى الجوامع و فى نفس الوقت واخد صور مع الاقصى و هو لابس هدوم الجيش الاسرائيلى بل و اكتر و هو واقف و وراه العلمين الاسرائيلى و الامريكانى !!..حاسه حاجه هبله شويه و لا انا متيهيألى ؟؟.....و لاحظ كده البيه متصور بنفس الكادر و الوقفه الغبيه فى جميع المواقف بشكل ساذج قوى ما هى الجاسوسيه سهله قوى اهى يا رجاله..امال مشفناش ولا صوره لرأفت الهجان لحد دلوقتى ليه ؟ ...شويه شويه ناقص يحط الصور عالفيس..


التالى ردود افعال الشباب عالفيس و التويتر بعد الخبر :

ويرى ابراهيم محمد ان كل هذه تعتبر افلام هابطه وتساءل مندهشا لماذا ارسلت اسرائيل جاسوس ليجمع معلومات عن الثورة في ظل توافر كافة المعلومات عن ثورة 25 يناير عبر الفضائيات .

و قال مصطفى محمد انه بعد سقوط فيلم جمعة الوقيعة بين الجيش والشعب ''جمعة الغضب الثانية سابقا'' فانتظروا قريبا بالأسواق جمعة الجواسيس يوم وقريبا جدا المزيد من الافلام العسكرية التي تتحدي الملل.

فيما طالب احمد عاصم الكنيست الاسرائيلى بضرورة محاسبة الموساد اذا ثبت انه ارسل جاسوس لمصر بتهمة اهدار المال العام.

وعلق سيد محمد قائلاً '' الذ حاجة ان عنده صفحة على الفيس بوك ووضع صوره عليها... زيه زينا...يبقى انا جاسوس'' واضاف ''اخر الانباء عاجل : تدهور حالة الجاسوس النفسية .. وانباء عن نقله لمستشفى شرم الشيخ لتلقي العلاج''.

وعلى موقع التواصل تويتر انتشرت تعليقات تتهكم على قرار الكشف على الجاسوس الاسرائيلى حيث تغنى محمد يوسف بالموضوع قائلاً '' جاسوسة راحت تقابل جاسوسة.. ملقتهاش جاسوسة يا عيني, لقطها مجلس يا عيني يا ليل '' .

فيما قالت هند رافت انه في اولى رد فعل لرافت الهجان الجاسوس المصرى المعروف بعد ما قرأ خبر القبض على الجاسوس الاسرائيلى تنهد رافت تنهيدة طويلة وهو يرى بروفايل الجاسوس على الفيس بوك قائلاً '' المهنة لمت يا جدعان ''.

وطالب عمر طنطاوي بضرورة القبض على الواد مهند لانه جاسوس لتركيا، وان هذا القرار سيجد ترحيبا من قبل رجال مصر .

وعلق جمال البشير قائلا انه بعد موضوع الجاسوس .. اتوقع ان المجلس هايكشف عن هجوم للكائنات الفضائية والاطباق الطائرة على مصر.

بينما قال شادى سمير انه في السنة اللي مسكنا فيها الجاسوس الاسرائيلي هربنا رشيد و غالي و حسين سالم'' مخابرات مصري ..ام الاجنبي'' .

بينما كتب عمرو حسام مازحاً '' الليلة عيد و الجاسوس بيتجسس، و مدام الجاسوس بيتجسس يبقى الجاسوسة هتتجسس''.
















29 التعليقات:

غير معرف يقول...

مساء الخير د/دودي

بصراحة أول مرة اقرأ هذا الخبر عن الجاسوس

بس لو فعلاً طلع جاسوس فإن المخابرات الإسرائيلية

ستكون في ورطة بسبب تدني مستوى عملياتها وإنكشافها

أمام الجميع بكل قذارتها وسوء تنظيمها ولكن الذي

وضح لي أنه لا أمان لهم فإذا كانت مصر والتي طبعت

حكومتها مع إسرائيل ووقعت معاهدة سلام تقوم بإرسال

جواسيس لها إذاً ماذا تفعل مع بقية الدولة وخصوصا

الدول التي ترفض التطبيع تماما جملة وتفصيلاً حتى

يعود الحق لأصحابه ؟

هي تساؤلات وحتى يتم الإجابة عنها خالتي بتسلم

عليكم ..

تحياتي

Dr Ibrahim يقول...

انا لا ازور مدونتك اصلا ولا اتباعها لكى اعلق فقط على مواضيع التى تخص السلفيين بل اراها بالصدفة كما حدث مثلا فى الموضوع الاخير وضعك للينك فى مدونة الاستاذ محمد الجرايحى فحببت ان ارى كحب استطلاع فقط على الرغم انى اعلم مسبقا ماذ كنت ستقولى...

وبالنسبة لحضرتك..طريقتك فى الكلام ليس طريقة حوار وليس لديكى معلومات كافية او حقائق حتى ولو جزء من التاريخ التى تنهريه ولم تفهمى كلامى فانا لم اذكر الخلفاء الراشدين فقط ولكنى ذكرت أيضا من قاد المسلمين بعدهم..وايضا حضرتك لم تقرأى التاريخ كما ذكرتى يبقى متحكميش على مقتل عثمان بدون رؤية واضحة شاملة لما حدث.

وردى فى المدونة على الموضوع السابق لم اهن فيه احد ولم استعلى على احد وردى كان واضحا..

انتم من تحاولوا ان تجعلوه استعلاءا واهانة ..

الاولى ان توجهوا الكلام لانفسكم لانكم تهاجموا وتتهموا الناس دون دراية كاملة بالموضوع او فهم للحقيقة الواقعة...

Tamer Nabil Moussa يقول...

طيب كويس شىء جميل

بجد مبسوط

مع خالص تحياتى

د/دودى يقول...

دكتور ابراهيم : هو حضرتك مصر تعاملنى كغبيه ليه ؟؟ ..يعنى حضرتك بتشوف كل مره بالصدفه فى المواضيع دى بس ؟؟...يمكن عموما

يعنى حضرتك اتهمتنى انى مقرتش تاريخ و لا بفهم فى الاسلام و كل ده و مش عايزينى ازعل ..استغفر الله العظيم

هو مقتل عثمان ده كمان فيه مناقشه , هو طرد السيده زينب و اللى حصل للحسين ده محتاج حفر تاريخى ...و و الله العظيم انا التاريخ ده بذات حبى القديم الدائم لكن انا مش هاثبت لحضرتك حاجه لكن المناقشه دى فى حد ذاتها اثبات للى كتبته...

د/دودى يقول...

Tamer Nabil Moussa : افرح و تلآلآ النهضه قادمه لا محاله بقى..

Dr Ibrahim يقول...

بس نصيحة
لو عندك علم كافى بالشىء اللى هتكتبى عنه اكتبى
لو معندكيش معلومات خيرا لكى ان تصمتى

قال تعالى"إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُم مَّا لَيْسَ لَكُم بِهِ عِلْمٌ وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ"

وفى ايه أخرى قال تعالى"ما يلفظ من قول إلا لديه رقيب عتيد"

وعن أبي هريرة رضي الله عنه :أن رسول الله صلى الله عليه وسلم قال"من كان يؤمن بالله واليوم الآخر فليقل خيرا أو ليصمت" صحيح البخارى

د/دودى يقول...

ريبال بيهس : ما اظنش الموساد متخلف عقليا كده ...

سواح في ملك اللــــــــــــــــــه- يقول...

اولا انا بحيي جهاز المخابرات المصري

هو جهاز وطني بحق

ولا استبعد علي اسرائيل ان ترسل جواسيس في مصر

الظاهر ان هما كان متهيالهم ان احنا لسة في العهد البائد

تحيتي

Dr Ibrahim يقول...

انا زرت مدونتك..
المرة الأولى صدفة وكان الرابط فى مدونة احد الاشخاص على جانب المدونة وكان الموضوع الاول عن منع الاختلاط..

هذه المره اذهبى الى مدونة الاستاذ محمد الجرايحى وستجدى تعليقى اسفل تعليقك مباشرة فجئت الى هنا..

هذه المرة تنسبى الى تهمة أخرى وهى انى اعاملك كغبية

انا أتكلم وأرد على معلومات وحقائق ولا اتهم اشخاص بشىء..

اقرأى التاريخ من مصادره...
او متقرأيهوش انتى حرة

Dr Ibrahim يقول...

وعلى فكرة الشيخ محمد حسان نفى الخبر الذى نشرته الجمهورية فقال"أنا اعرف ان مصر مثلاً 80 مليون أو 85 مليون هانخلي النساء لهم دقون وهانخلي النصارى لهم دقون وهانخلي الأطفال لهم دقون عشان يبقى عندنا 80 مليون دقن"
اذن تثبتوا قبل ان تهاجموا شخصا معين ا شىء معين قبل معرفة الحقيقة كاملة..
حتى لاتحسب عليكم بذنب أو بغيبة ونميمة..

Dr Ibrahim يقول...

رابط الفيديو من هنا

Dr Ibrahim يقول...

وياريت برده تردى على التعليقات فى الموضوع السابق

د/دودى يقول...

يا دكتور ابراهيم دعنا ننهى الامر الان بلا مزيد من الجدال اللى اصابنى بصداع مزمن...يا دكتورى العزيز الحوار بينا اصبح حوار الطرشان فلا انا هقتنع و لا انت هقتنع اظن بعد هذا الكم من الكلام هذه هى النتيجه الوحيده الحقيقيه...

مش هعلق على اتهامك المتكرر ليا ان مش بقرا ..اى كان لو سمحت كفايه بقى انا بجد تعبت من الحوار العقيم ده ..

مش عايزه اعرف الفرق بين الاسلاميه و الدينيه و المدينه مش عايزه اعرف ...

نفسى حضرتك تطبق نصيحه لطيفه صغيره سمعتها زمان من امى "لا يجب ان تكسب كل حوار"...

Casper يقول...

لو كان جاسوس بصحيح واتقبض عليه يبقى الموضوع منتهي
لكني مش مصدق ان الموساد بالغباء ده ... طبعا ده مش مديح فيهم لان جهاز المخابرات المصري بالفعل والفضل لله أقوى وأفضل منهم بمراحل

ENG./ELSAYED,PMP يقول...

القرموطى طالع ف مهمة سرية
فعلاً موضوع الجاسوسية ده موضوع سرى جداً ... والواحد اطمن ان الموضوع مش هيخرج بره المجرة

د/دودى يقول...

سواح في ملك الله : عندى سؤال خبيث جه فى بالى بمناسبه المخابرات ...هو احنا كمان بنبعت لهم جواسيس؟؟

د/دودى يقول...

Casper : مش عارفه ليه الموضوع برمته مش داخل مخى؟؟

د/دودى يقول...

ENG./ELSAYED,PMP : صاحبنا طلع من عينه القرموطى و هريدى الله يرحم رافت الهجان و يوسف شعبان

محمد حويحي يقول...

لا وبيقولك كمان أن الجاسوس تم اكتشافه بعد شهور قليله من تواجده في مصر ودا سبق الصراحة بعد ما فيه جاسوس تاني بقاله اكتر من تلاتين سنه ولما اتخلع مقعدينه في شرم

غير معرف يقول...

الراجل ده واضح انه صحفى مش جاسوس و اللى يقرأ كيف تناولت صحيفة هآارتس الموضوع و كيف سخرت من اجهزتنا لدرجة انها اظهر عدد سابق لها و هى كاتبه مقاله عن المجند ده و حاطة صورته و قالت كيف يتخيل المصريين اننا ننشر صورته لدينا فى الصحف ثم نبعثه لهم كجاسوس

المهم و بعيدا عن الموضوع ده عايزة اقولك انى بقرأ اغلب مواضيعك حتى لو مش بعلق و معجبه جدا بشخصيتك و عقليتك المستنيرة و فهمك لجوهر الاسلام او روحه التى للاسف تركها الكثريين و انغمسوا فى المظاهر و التكفير و التنفير ...الغالبية الان تتبع الوهابية التى صارت دينا مستقلا نسبه للاسلام يعتبر تشويهه

Tears

سواح في ملك اللــــــــــــــــــه- يقول...

مش عارف طبعا

لكن اللي فهمته

ان اسرائيل عايزة تدعي انها محركة الثورة 25 يناير

عن طريق طبعا الجاسوس الاهبل ده

سواح في ملك اللــــــــــــــــــه- يقول...

عايز بس بعد اذنك يادكتورة ارد علي دكتور ابراهيم

بسم الله الرحمن الرحيم
{ فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِك } (آل عمران:159). ...

صدق الله العظيم

اشكزك

تحيتي يادكتور

أم يقول...

مناقشة جميلة لقضية رائعة بأسلوب ساخر

كريمة سندي يقول...

دودي عمتي بتسلم عليك تدوينة لذيذة

ابراهيم رزق يقول...

هو فى عصر السموات المفتوحة ما هو شكل الجاسوسية


تحياتى

ابن الإيمان يقول...


مرحبا د. دينا..
هل وصلتك هذه المعلومه المضحكه في موضوع الجاسوس(الاهبل )على رايك؟؟
هل تعلمين أنه خطب بالمصلين في الازهر...؟؟؟!!!!ههههه
معلومه موثقه وبالصوره لو احببت رؤيتها..
====
قرات ردك على تعليقي
فكان الجواب هناك..يمكنك قرائته..

ابن الإيمان يقول...
أزال المؤلف هذا التعليق.
Ms Venus يقول...

وانا كمان الحكاية مش داخلة دماغى

مافيش جاسوس بالغباء ده

حسام بدوي يقول...

جاسوس علني ههههههه. لكن إسرائيل مش غبية للدرجة دي حتى انا شايف ان كشف الجاسوس لنفسة هو مخطط . بمعنى ان المخابرات الإسرائيلية اعطت له اوامر بكشف نفسة بالطريقة الغبية دب علشان احنا نسلمه للجيش ويبقى للموضوع ابعاد تانية و ياخدوا أي إجراء بحجة حمايتة قدام العالم او حاجة زي كده ...

إرسال تعليق

حلو؟؟ وحش؟؟ طب ساكت ليه ما تقول....