السبت، 7 مايو 2011

موقف بااااايخ!!



بعيدا عن السياسه قليلا - ناخد استراحه شويه- ستكون تلك التدوينه عن موقف بايخ كشفته من اسبوع فقط على الرغم من حدوثه من 5 شهور !!!


فى 24 اغسطس 2010 يعنى من حوالى 9 شهور كانت المدونه لسه فى الاول و فاضيه من المتابعين و القراء و ساعتها كانت سياستى فى الكتابه غالبا عن الكتب و الروايات اللى بقرها بجانب حاجات رفيعه تانيه و بما ان اغسطس ده فى الصيف فكان عندى وقت كبيير لقراءه الروايات و الكتب على مزاجى و بما انى كنت متاكده  انى مفيش حد بيقرا اللى بكتبه - و على فكره ده احساس ممتع - كنت بكتب اللى على كيفى دون ضغط ارضاء القارئ اصلا ....

بالتحديد يوم 24 اغسطس كتبت ريفيو كامل لروايه اسمها "اعذرينى و مخاوف اخرى" هى عباره عن كتاب بيضم قصص قصيره رعب و بالتحديد 17 قصه لكتاب مختلفين و ان كان يجمعهم حداثه عهدهم .....و زى ما قلت المدونه كانت فاضيه فكتبت براااااحتى عالاخر نقد و تفنيط  و تفصيص , يعنى مثلا المؤلف هيقرا الكلام اللاذع ده؟؟؟
http://suchasmallaffairs.blogspot.com/2010/08/15.html 

و طبعا عدت التدوينه من غير تعليق ولا اى نوع من انها حتى اتقرت اصلا ...و استمر فشل تلك البوست حتى من اسبوع فقط!!!

 من اسبوع و انا بدور على جوجل على اسم الروايه نظرا لانى افتكرتها و حبيت اديها لصديقه ليا .. فؤجت بالنتائج التاليه :

عن اعذريني ومخاوف أخرى - مدونة رفايع - - منتديات التكية الادبية
عن اعذريني ومخاوف أخرى - مدونة رفايع - بهريز المدونات.
www.altekeya.com/vb/showthread.php?t=13050 - نسخة مخبأة

whaaaaaaaaaaat?? .....ايه ده؟؟ مقالتى التافه اتسرقت !!!!....و بالتالى هرعت الى اللينك - حلوه هرعت دى- لاجد المفاجأه....
http://www.altekeya.com/vb/showthread.php?t=13050 

اكتشفت ان احد مؤلفى الروايه هو اللى ناقل المقاله!!! بل ان المنتدى ده بيضم المؤلفين الاخريين للكتاب !!! بل ان المؤلفين الاخريين بيردوا عالمقاله بانها مكسب نقدى ليهم !!!

للاسف اكتشفت ان المؤلف كان نقل المقاله فى شهر ديسمبر يعنى من 5 شهور كان نفسى اخد بالى ساعتها مش متاخر كده... بس كان نفسى الكاتب يقولى كنا اتناقشنا احسن

الموقف البايخ بقى يكمن فى ان افتكرت اللى كنت كاتباه ساعتها, باختصار كده كنت سالخه الكتاب و نقد عالرايق بتفصيص و  بما انى كنت فى الصيف فلاحظت انى ذكرت تفاصيل بدقه , بل ان الكاتب اللى نقل المقاله لاصدقائه المؤلفين قد حصل على تقييم منى 7.5 بس من عشره!! و بالتالى احرجت انى اشكره لنقل المقاله مع ذكر المصدر بل و اشكره على كلامه الرائع فى وصف المقاله ...

هيييييييييييييييييييييييييييييييه ....اولى مقاله تتنقل منى , عقبال ما اتسرق 

31 التعليقات:

سواح في ملك اللــــــــــــــــــه- يقول...

طب انتي اتنقلت المقالة
وذكر اسم صاحبها
انا بقي اتسرقت
والبجاحة ان اللي سرقها نشرها باسمه
في جريدة

د/دودى يقول...

يا عينى....اظن ان السرقه لوحدها جارحه لكن ببجاحه و فى جرنال ؟؟ دى تعاسه , ربنا يعوضك و ينتقم لك....

سواح في ملك اللــــــــــــــــــه- يقول...

هههه ولايهمك
عندي مقال اسمه استسلام ابليس
في باب تاملات عندي في المدونة
هو سرق الفكرة واضاف عليها
وغير شوية في الكلام

MSMO يقول...

استخدمي جوجل
alert علشان موضوع السرقة وإنتي هتقدري تتبعي مقالاتك أنا بستخدمه وبجيب ناس كتير بتسرق بوستات من عندي
تحياتي

حمدى جعوان يقول...

لا لا مش بايخ خالص ..:)
دا موقف جميل واعتقد انك مش هتنسيه ابدا خصوصا انى لاحظت من قراءتى انك مبسووطه اوى بيه
وعقبال ما يتسرق مقال علشان تتبسطى اكتر
:)

د/دودى يقول...

سواح فى ملك الله : حاسه ان سرقه الفكره لا تقل عن سرقه الابن عندى...كأن حد خطفه بالظبط

د/دودى يقول...

MSMO : بصراحه مكنتش برضى استخدم الحاجات دى عشان كنت دايما بحس ان مفيش حاجه بتكتبها تستحق القراءه اصلا مش السرقه بس بفكر ابتدى استخدمها ...

د/دودى يقول...

حمدى جعوان : كان نفسى اكون كاتبه كلام ارق شويه للكاتب ده لو كنت اعرف انه ممكن يقراه كنت قللت الحده شويه - مع انى مكنتش هانفقه- ...ما انكرش انى اتبسطت لان حاسيت انى كتبت حاجه تستهال النقل..

sharifaarts يقول...

د/دودي
حلو انها اتنقلت منك وماتسرقت
انا حتكلم بمجالي ..الرسم
وكتير الاقي رسمات ليا منسوبه لأشخاص تانين من جد حاجه تقهر
الله المستعان بس
متابعه لك ياقمرز

MTMA89 يقول...

د/دودي..

أنا اشتريت الكتاب ده.. و بصراحة مقرتهوش.. و مظنش إني هقراه قريب.. أنا اشتريته مجاملة لدعاء منير صاحبة قصة أرض الظلال.. أصلها من أسيوط و اعرفها..

و مظنش انه موقف محرج و لا حاجة.. لكن واضح انهم فعلا بيدوروا على آراء عن الكتاب.. و ده يدل على اهتمامهم بتحسين مشتواهم.. و ربنا يوفقهم..

أنا بس لفتت نظري جملة.. في الموضوع عندهم.. "مما يؤكد نظرية توجه طلبة الطب للرعب" :))
مع إني مش بحب الرعب خالص بصراحة..


تحياتي..

محمد
:)

ابراهيم رزق يقول...

تعيشى و تتسرقى

تحياتى

faroukfahmy يقول...

يعجبنى حقا شمولك فى الكتابه من دين الى سياسة الى تاريخ وفن ونقد فاهم
الحمد لله ان هذا الجمع وضع موضعه وصادف محله فى انسانه مثقفة مثلك
المؤلف صادف التقييم الذى يستحقه فمنحك التقدير الذى تستحقينه اعترافا بنقدك الفاهم والمامك العارم
دائما بالتوفيق دودى

Rain يقول...

بالعكس حلو كتير انك قلتي رأيك بدون أي مجاملة و همّه اتقبلوه،انا لو مكانهم بحب اسمع الرأي الخالص متل هيك عبلاطة(يعني بصراحة)
عكلا لا تنحرجي أنا شفت انه موقف حلو،و عفكرة المقال فعلا حلو صار جاي عبالي أقرأ الكتاب!

Unknown يقول...

أنا كمان حصلت معايا في أشعار و خواطر كنت بكتبها على الفيس و لقيتها بتتنشر في صفحة من غير ذكر اسمي, و مره لقيت قصه كنت كتباها بالصدفه على الفيس بس بصراحه كانوا كاتبين انها من تأليفي بس محدش استأذني و لاحتى خدت بالي غير بعد ما اتنشرت بشهر:)
يا ريت لو عرفتي طريقه تجنبنا السرقه تقوليلنا
تحياتي ليكي و في أول وقت فاضي هحاول أقرى ريفيوهاتك القديمه

كريمة سندي يقول...

سرقت المواضيع حدث ولا حرج كل واحد بينسب لنفسه حاجات مش هو اللي كاتبها مع الأسف

Rain يقول...

مش فاهمة ليس عم تحكوا انها سرقة البني ادم حاطط المقال و حاكي انه من مدونة طالبة طب مصرية و حاطط الرابط كمان لا نسبه لحاله ولا ما يحزنزن!!O_0

عازفة الالحان يقول...

أختِي الغآليًه
أنْ يًسسرق لكْ مَوضوع
لكِ ان تفتخِري لآنهآ حآزتْ رضآ نآس
وتَمنوآ ان يكُونوآ هُم مًن كتبهآ
وستكُون هذه السًرقَه .,
مَجالاً ان تُقرأ موآضِيعِك دوماً\
ويلتفتْ الجَميع لَكِ

دُمتِي بِخير

د/دودى يقول...

حآفية القدمين : لا طبعا مش سرقه ولا حاجه بدليل انه كاتب المصدر ...بس فى الرسم السرقه تبقى ازاى ؟ سرقه الفكره اكيد لان التنفيذ اكيد بيختلف

د/دودى يقول...

MTMA89: للاسف القصه بتاعه الظلال ده بذات احد اكتر القصص اللى كنت قاسيه عليها -بس اظن مظلمتهاش- و فعلا عجبنى فيهم انهم عايزين يحسنوا مستواهم ودى حاجه حلوه قوى....

بينى و بينك الكتاب عموما مش مميز جدا يعنى بس تسليه مش اكتر...

على فكره انا احد اكتر الناس اللى بتكره روايات و افلام الرعب نظرا لانى عندى عقده انى مش بخاف منهم ابدا و بكشف مفاجاتها بدرى مما يفسدها...اظن اللى بنشوفه فى الكليه مرعب من اى حاجه فى الدنيا انت فاهم طبعا

Carmen يقول...

كلنا معرضين لكده للاسف هي ظاهرة منتشرة بس صدقيني تعتبر سرقة هيتحاسب عليها

د/دودى يقول...

ابراهيم رزق : عقبالك هههههههههه

د/دودى يقول...

faroukfahmy58 : انا مقدرش ارد على المجاملات الرقيقه دى كلها ..انا مش قده

د/دودى يقول...

Rain : اصلى كان نفسى اكون كنت بجاملهم شويه اصلها مفاجاه انت تلاقى النقد اللى بنكتبه بتقرى من المؤلف فعلا...هو الكتاب حلو و الله مسلى و لطيف..

د/دودى يقول...

شيرين سامي : هو صحيح انا متسرقتش لكن كان نفسى يقول ..اظن ساعتها الواحد يتبسط اكتر من المفاجأه كده بالصدفه ,,,

اظن الحل انى تمنعى فى المدونه استخدام الزرار اليمين بس حسيتها هتزهقنى انا قبل الحرامى...

د/دودى يقول...

كريمة سندي : الحمد لله محصلش سرقه ولا حاجه - على الاقل لسه مكتشفتش حاجه- بس انا فؤجئت من الردود انها حصلت معاكوا كلكوا ...

د/دودى يقول...

Rain: ربنا مجبش سرقه ده بينشر المدونه حتى و حاطط الرابط ده انا حتى سعيده جداا بالموقف ده ..بس واضح انها مشكله كبيره عن المدونيين

د/دودى يقول...

عازفة الالحان : سعادتى نابعه من ان حد حس انى كتبت حاجه تستحق انها تتقرى بل وحب انه ينقلها- مع ذكر المصدر- لحد تانى يقراها ...

د/دودى يقول...

Carmen : مااظنهاش سرقه ابدا ...بس ممكن ندور على حل وقائى ...

sharifaarts يقول...

لا مو سرقه فكره لانها متل ماقلتي بيخلف التنفيذ
نفس الرسمه تنسخ وتلصق بغير اسمي ..

د/دودى يقول...

حآفية القدمين: كمان؟؟!!!!...يعنى كوبى و بيست حتى مش باذل مجهود فى السرقه..

محمد الدواخلي يقول...

ههههههههههههه ضحكت للصبح وانا أقرأ هذه المدونة
الطريف انني فتحتها صدفة اثناء بحثي عن اصل المقال للنظر في التعليقات عليهالتي مازالت صفرا
مبدئيا من الطبيعي لأي كاتب خاصة لو كان مبتدئا أن يهتم بردود فعل القراء. للاسف الكثير من القراء يبخلون بهذا التعليق الذي يشبع غليل الكاتب ويشعره بصدى ما يكتب
أبا الميراث من أكثر الناس سعيا للبحث عن الرأي في كتاباته, ولو أنك بالفعل ظلمتيه في نقطة محددة في قصة بوجلود كونك لم تعرفي أنه مغربي الجنسية وأن بوجلود هو احتفالية معروفة هناك
الكتاب كان محاولة أولى في النشر الجماعي. اتخذنا مقاييس قبول واسعة بعض الشيءلكن اظنه خرج في المجمل بمستوى جيد
هناك اختلاف في رايك في بعض القصص لدرجة التناقض مع أراء لجنة التحكيم واتفاق لدرجة التطابق في قصص أخرى
أسعدني تقويمك لقصتي خصوصا أنه أول تقويم أحصل عليه (كانتا مستبعدتين من التحكيم باستثناء معيار القبول او الرفض المطلقين -كانتا اقرب للرفض- لكوني المسئول عن اعداد الكتاب)
لا ننتظر سوى الصراحة حتى لو كانت جارحة ونشكرك عليها
فقط أخبرك أنني أضفت تعليقي الطويل الممل هذا لكي أعفيك من المفاجأة كوني نقلت هذه التدوينة هي الأخرى للمنتدى. مع ترحيبنا بك في التكية للتعليق في أي وقت عن أي من اصداراتنا
تقبلي تحياتي ومودتي
محمد الدواخلي

إرسال تعليق

حلو؟؟ وحش؟؟ طب ساكت ليه ما تقول....