الثلاثاء، 5 أبريل، 2011

النسخه الافضل منك Limitless 2011


ملحوظه : هذه المقاله لا تفسد مشاهدتك للفيلم و هى مخصصه لمن لم يشاهد الفيلم ...بل ستحفزك لمشاهدته
 NO Spoilers  





















 "What if a pill could make you rich and powerful?" ماذا لو استطاعت حبه دواء ان تجعلك غنى و قوى؟؟ هو ده سلوجان و شعار فيلم limitless او بالعربى "بلا حدود" , الفيلم لسه جديد و فى السينمات و لكن شكرا للتكنولوجيا الحديثه اللى تخليك تتفرج على الافلام و هى فى السينما و انت فى بيتك تحت اللحاف مع فشار البيت السخن..

"How many of us ever know what it is to become the perfect version of ourselves?" تفتكر النسخه المثاليه منك هيكون شكلها ايه؟؟ ماذا ستكون شخصيتك عندما تكون اذكى و اقوى و لاماح سريع البديهه؟؟ عندما تمتلك 100% من عقلك بينما ان فى وضعك الحالى لا يمكنك الوصول الا ل 20% منه؟؟ عندما تتضاعف مساحه ذهنك 5 اضعاف بتناولك لقرص يوميا؟؟

ايدى مورا الكاتب المبتدئ هو بطل الفيلم , يبدأ المشهد الاول بايدى على سطح مبنى 20 دور على واقف على طرف السور مقرر الانتحار و هنا يرجع فلاش باك لاولى القصه لتتعرف ماذا اوصله لهذا؟؟؟ ...ترجع للبدايه فايدى مؤلف مبتدئ عنده عقد انه يكتب روايته الاولى لكن نقص الالهام كان له بالمرصاد مع تذبذب حياته الشخصيه يجد الحل مع صديق قديم فى حبايه تغير من كيمياء المخ بحيث يمكنك الوصول لمخك بالكامل...تتوالى الاحداث المثيره و يبدء صاحبنا فى التعاطى و يتسع مخه ليكون سوبر مان العصر الحديث  ليكمل كتابه فى 4 ايام ليبهر الجميع ...لكن الحياه ليست بهذه السهوله و لكل شئ اثار جانبيه  هل يكمل ؟ هل يتوقف؟ من هؤلاء الذين يطاردوه؟ كيف يحصل على الاقراص؟ ماذا لو اوقفها ؟ هل يمكن ان يموت بسببها؟؟ هل يكشف السر؟ هل ينكشف السر؟ كيف تستطيع استغلال مخك؟ باى طريقه تحول الذكاء الى اموال؟هل يكمل فى الكتابه ام يستطيع ان يستخدم عقله فى اتجاه مربح اكثر؟ كيف وصل به الامر الى حد رغبه الانتحار فى المشهد الاول؟ هل ينتحر فعلا؟؟ هى دى احداث الفيلم المثير المسلى limitless...

روبرت دى نيرو فى الفيلم و انا كنت فاهمه غلط انه البطل و لكن دى نيرو ليس بالبطل ولا ضيف الشرف فهو دور متوسط الحجم عالى المقام و بيفكرنى بظهور مايكل دوجلاس فى wallstreet باجزائه الاول و الثانى..

بصراحه برضه النهايه معجبتنيش حستها مقحمه على الاحداث....عموما فيلم limitless فيلم مسلى و مثير

لتحميل فيلم limitless 2011 مترجم

بحجم 454 ميجا

اقرأ ايضا:
مايكل دوجلاس وول ستريت




بحجم 272 ميجا بجوده اقل من النسخه السابقه

14 التعليقات:

ماشي بنور الله يقول...

تحية طيبة اختي الكريمة
د/دودي
تغيبت عن متابعة تدويناتك لمدة طويلة لاسباب خارجة عن ارادتي
ارجو ان تلتمسي لي العذر

ساقوم باذن الله بتحميل الفيلم ومشاهدته
يبدو ان قصته جيدة
شكرا علي الفيلم

لك كل التحية والتقدير

تامر نبيل موسى يقول...

بجد فكرة الفيلم تشد

وانا اعشق هذة النوعية من الافلام


اى اعمل من راى جيد هو من يكون يحملبداخلة فكرة حتى اذا كانت خيالية

تسلمى على العرض الطيب

مع خالص تحياتى

الظل يقول...

اتفرجت عليه وعجبنى

واتفرجت عليه تانى وعجبنى بردو

قهوة بالفانيليا - شيماء علي يقول...

انا مش هاقرا :)
أنا هتفرج عليه و بعدين هاقرا :)

ابراهيم رزق يقول...

انا الفيلم عجبنى
بس انا هاخدك لنقطة بعيد عن الفيلم مع انى ده انا مبحبوش
لقد خلقنا الانسان فى احسن تقويم
صدق الله تعالى
لقد خلق الله الانسان حيا عالما مريدا متكلما سميعا بصيرا مدبرا حكيما و كلها صفات الوهية فكل صفة من هذه بقدر و هى من حكم الله سبحانه و تعالى اما الخوارق فهذه ليست من صنع البشر
تحياتى

د/دودى يقول...

ماشى بنور الله : انت فين يا راجل من زمان؟؟...دخلت اسأل عنك فى المدونه لما طولت الغيبه..مسمحينك بس ما تبقاش تغيب عننا فى الكتابه تانى..اتفرج على الفيلم مش بطال و مسلى ...

د/دودى يقول...

تامر : اكتر حاجه بتعجبنى فى السينما الامريكيه - على الرغم من ميلى اكتر لنظرتها الاروبيه- ان الفيلم بيبقى فكره , مجرد لقطت فكره قويه تقدر تبنى اى حاجه حولين الفكره و يطلع فيلم قوى...تحياتى

د/دودى يقول...

الظل : اتفرجت عليه مرتين؟؟!! و عجبك المرتين؟؟!! ده طلع اجمد مما تخيلت على كده...

د/دودى يقول...

شيماء : مكنش هيحرق لك القصه و الله , انا عموما مش بحب ابوظ على حد مشاهده حاجه بذات الافلام بصراحه مره اتعملت فيا و حد حرق لى فيلم و حسيت قد ايه بيبقى الفيلم بايخ و مش ساعتها اتعلمت ما اعملش كده فى حد....

د/دودى يقول...

ابراهيم : انت هتقولى ؟؟ ده انا لما دخلت كليه الطب دى حسيت انى شفت كل حاجه من المسلمات دى بعين جديده و ابتديت اتاكد ان النظر و السمع و الحاجات دى خارقه فى حد ذاتها و لو تبص على قد ايه بيتشرح لنا ده بيحصل ازاى , تستغرب هو الموضوع ماله بقى معقد كده ليه ؟؟سبحان الله

elsayed azab يقول...

السلام عليكم د/دينا ..

بناءا على اقتراحكم سأحمل الفيلم بعد انتهائى من الفيلم الذى اقوم بتحميله الأن .. وبعد مشاهدته هاجى هنا وأقول رأئى فيه ان شاء الله ..

بس بصراحة المدونة مفاجأة ليا يعنى توقعت انها تكون طبية أو حتى مش طبية بس فيها جزءعن الطب وحاله فى مصر .. بس واضح انك ليكى اهتمامات كتير خاصة الافلام بشكل كبير ..

وبما اننا ولاد جامعة واحدة ومحافظة واحدة وعالم تدوينى واحد الخ الخ ..

اتمنى ان أقرأ لكى تدوينة عن حال الطب والمستشفيات يعنى رؤية او حل سواء كانت وجهة نظرك او وجهة نظر دكاترة قرأتى ليهم يعنى ده المجال بتاعك يعنى محدش يعرف يتكلم فيه غيرك ..

وان شاء الله كلها سنتين وتكتبيلنا من عيادتك ان شاء الله ..

دمتى بكل ود وعز وسعادة دائمة ان شاء الله ..

تحياتى

د/دودى يقول...

السيد : انا سعيده جدا بانك اعجبت بالمدونه...كل متابعين رفايع بذات القدام يقولوا لك انى تقريبا مكتبتش حاجه فى الطب خالص ...تصدق انا عمرى ما فكرت انا مش بكتب فيه ليه؟؟ يمكن لانى بفضل ان حياتى الافتراضيه تكون على مزاجى فى المواضيع اللى بحبها : كتب , افلام, سياسه او حاجات عامه ...بس اوعدك انى هافكر فى موضوع الطب ده مستقبلا...

faroukfahmy58 يقول...

فيلم بلا حدود اختيار يدل على خيار صاحبته فقد خرج بى عن حدودى وقيودى وامسيت حرا من قيود الواقع السجين المهين واصبحت مستجيبا لكل ماهو سمين وثمين كما اخذتنى ثقافتك الغالية العالية الى آفاق عجز سواك عن وصولى اليها اين كنت انت من قراءاتى ؟؟؟؟ اليك كل الثناء والولاء ولا تحرمى كل ماهو متعطش الى افرازات فكرك من ترويته وارضائه

د/دودى يقول...

فاروق: ايه الكلام الجميل الممتع ده؟؟ زيارتك الاولى علامه بارزه فى رفايع...

إرسال تعليق

حلو؟؟ وحش؟؟ طب ساكت ليه ما تقول....