السبت، 23 أبريل، 2011

عيد تحرير مسجد النور !!


صعقت بل و زهلت لما قريت الخبر ده !!!و لانى قريته من موقع معظم اخباره على طريقه "باريس هيلتون تعلن اسلامها و ترتدى الحجاب و تغير اسمها لطاهره " او خبر بتاريخ 15 ابريل يؤكد موت مبارك اكلينيكا فاستبعدت كونه حقيقى على الاطلاق ...بعد التمحيص و الفحص و جوله سريعه على المواقع و الجرائد اكتشفت ان الخبر حقيقى و حصل !!!!!

اما الخبر فهو كالتالى من موقع اليوم السابع :

حافظ سلامة ينهى علاقة الأوقاف بمسجد النور وأنصاره يخطبون الجمعة

الجمعة، 22 أبريل 2011 - 14:38
 


وسط مشاحنات واشتباكات بالأيدى، أعلن الشيخ حافظ سلامة قائد المقاومة الشعبية بالسويس انتهاء علاقة وزارة الأوقاف بمسجد النور بالعباسية، مؤكداً أنه أصبح المسئول عن المسجد بداية من اليوم.

كانت الاشتباكات بالأيدى قد وقعت فى ساحة المسجد قبل صلاة الجمعة بين أنصار الشيخ حافظ سلامة وأنصار أحمد ترك إمام المسجد المعين من قبل وزارة الأوقاف، بسبب الخلاف بينهما حول صعود المنبر، وتدخلت قوات الجيش لفض الاشتباك فيما تولى الداعية الإخوانى حازم صلاح أبو إسماعيل إلقاء الخطبة حسما للخلاف بين سلامة وترك.

وشن أبو إسماعيل فى خطبته هجوماً عنيفاً ضد وزارة الأوقاف ووصفها بـ "الوزارة الآثمة"، واتهمها بالسعى لوقف شئون الدعوة الإسلامية، وأكد أبو إسماعيل أن عدداً من الدعاة طالبوا بتقديم مسئولين فى وزارة الأوقاف إلى المحاكمة عقب نجاح ثورة 25 يناير بتهمة التعاون مع جهاز أمن الدولة ضد الدعاة ورواد المساجد.


واتهم سلامة وزارة الأوقاف بنهب أموال المسجد، وأوضح أن لديه وقائع تثبت وجود حالات فساد فى عملية إدارة المسجد، وأعلن سلامة أن المسجد أصبح من الآن تحت إدارة جمعية الهداية الإسلامية، وقال "من الآن لن يرتقى هذا المنبر أحد إلا عن طريق جمعية الهداية الإسلامية".


و هنا ينتهى الخبر و يبدأ التعليق :

يا لهووووووووووووووووى !!! هى وصلت كده؟؟؟ هى فوضى؟
اين هيبه الدوله ؟؟؟؟ فين يا استاذ شرف الدوله لما يقرر شيخ احتلاله لمسجد و استقلاله عن الوزراه بعيدا عن المراقبه و ان دعى الى الجهاد و دخول الاديره كما سمعت من المتحمسين منهم بالفعل!!هى خلاص البلد فكت و مبقاش فيها ظابط و رابط و كالعاده الخوف المسيطر من انكم تزعلوا حد هو المتصرف؟؟....لا اعرف ما هو التصرف الصحيح المفروض على وزراه الاوقاف فعله و لكنى متاكده ان السكوت ليس الحل...

و اللى ما يعرفش مسجد النور اوضح لك ....تربطنى بمسجد النور علاقه هامه لانه موجود الحيط فالحيط بكليه الطب جامعه عين شمس فهو فى العباسيه ملاصق لمستشفيات الدمرداش و هو جامع كبير عريق فخم جدا و اعتبره دائم المشاكل لان مظاهراته ما بتخلصش و عاده بتبقى قدامه و اخرها من 4 ايام بسبب كاميليا شحاته كالعاده و دى صور من المظاهره دى و اعتذر لجوده الصوره المتدنيه نظرا لانها من تصويرى :





ربنا يستر .....

24 التعليقات:

وردة الجنة يقول...

بجد انتى عندك حق

انا بقيت حاسة فعلا ان البلد بقت فوضى وانهم خايفين
يزعلوا حد بس اكيد لازم يكون فى قرارات حازمة عشان توقف كل اللى بيحصل ده

بجد ربنا يستر على مصر ويحميها ويحمى ولادها

لك كل التقدير والاحترام

ماشي بنور الله يقول...

غالبا ما يأتي بعد الثورات الشعبية عموما
يكون علي غير المتوقع
الثورة الفرنسية,الثورة الايرانية ,وغيرها...
دائما تكون هناك شهور من الفوضي او اكثر, يعقبها استقرار
اما بشكل ديكتاتوري
او ديمقراطي
وفي خضم ذلك كله قد ينسي الناس الاهداف الحقيقية للثورة
ويتبنوا غيرها
او قد تغتصب من أصحابها ليكون الرابحون اشخاص آخرون.
أتمني أن لا تطول الفوضي
وان تستقر الامور بسرعة ,وان لا تسرق الثورة

شكر د.دودي

د/دودى يقول...

ورده الجنه : احنا بنتكلم عن مسجد كبير فى وسط العاصمه ...امال الوضع فى الاقاليم حيث الامور غير مراقبه شكلها ايه؟؟.....لازم حد يزعل و حد يتنصف عشان يبقى فى دوله.....

شكرا لمرورك ورده

د/دودى يقول...

ماشى بنور الله : يا خوفى من شهور الفوضى دى ...بس ايه اللى معطل اتخاذ القرارات و لاحظ ان البظء و التاخر خطوه كان هو سبب سقوط النظام السابق و يا خوفى....

دائما اراءك مميزه

سكندري يقول...

أؤيد كلام"ماشي بنور الله" هو فعلاً في فوضي موجودة بشكل كبير و الفوضي دي سببها الاغلبية الصامته، لان الناس فكرت ان الثورة نجحت و مية مية بقي و الحياة بقت حلوة خالص مالص أنما ده مش صح

البلد مش هيتصلح حاله غير بعد من 3-5 سنين علي الاقل ، ده في رايي ، لازم يبقي في فوضي و لازم الجهات المسؤلة تشد علي ايدهم

انما ما تقلقيش يا د.دينا ،لعلها فوضي "خلاقة" بكرة هتتعدل أن شاء الله

شوفي الصورة دي كده http://bit.ly/hmuIfP

د/دودى يقول...

سكندرى : يا مراحب يا مراحب ييك الاول و قبل اى حاجه ...3-5 سنين ؟؟!!! كتيير قوى عليا دول بس اظن ممكن نختصر المده لو ركزنا و بطلنا عبط و رخرخه و انا معاك فى ان الجهات المسؤله لازم تبقى انشف من كده ...

ما اظنهاش خلاقه و لا هتتعدل غير لما الاغلبيه الصامته اللى بتقول عليها ترجع تتحرك تانى ...

بالنسبه للصوره دعنى اقول بصراحه : " ايه المسخره دى؟؟"...

سكندري يقول...

ماأنا حاسس انها مش "خلاقة" برضه بس بحاول اتفائل ، و الاغلبية الصامتة بقت هي المتحكمة شئنا ام أبينا ، لاننا بنفهم الديمقراطية غلط و كل شوية اعتصامات و اضطرابات علي كل صغيرة و كبيرة مع ان في ناس كتير مننا تستاهل اللي هي فيه ، انا والله شفت ناس مش بتعمل اي حاجة في فترة الشغل غير انها تاكل و تشرب و تنام و تنق علي بعض و بترتب لاعتصامات ،
بيني بينك كده ، في ناس ما ينفعش تتديها حريتها لانها مش بتفهمها ، مش عايز حد يزعل مني بس فكري فيها شوية كده
لو انتي ابنك قالك أنا هسهر بره هتعملي فيه ايه ؟ اكيد هترفضي و تخليه يرجع البيت بدري ، بس لو انتي متأكده هو متعلم ازاي و متربي ازاي و بيفكر ازاي و مين اصحابة و انه رجل مسؤول فعلا هتسيبه ، دلوقتي بقي في ناس لسه لازم تجبر انها تروح بدري البيت و تنام بدري علشان تصحي بدري و تروح الشغل ، (:

نفسي الناس تشتغل بقي و تبطل تشتكي شوية ، يااااااااااااا رب

بناسبة الصورة برضه اتفرجي علي الفديو ده بالمرةhttp://on.fb.me/gBS5Kg ، و معلش علي الزيارة الطويلة دي ،

د/دودى يقول...

سكندرى : زياره طويله ايه يا عم ده انت صاحب بيت و من اوائل اللى خدوا بايدى ايام ما كنت لا اعرف فى التدوين ولا فى الطحين ههههههه.....خلاقه ايه يا عم صلى عالنبى ما انت فاهم بقى , اللى بياخد 300 جنيه و ما بيشتغلش بيهم يستاهل قطع رقبته قبل ما نزود مرتبه بدليل كادر المعلمين فضلوا يقولوا اصل المدرس بياخد فلوس قليله فبيضطر يدى دروس عملولهم الكادر خدوا زياده المرتب و غلو سعر الدروس ههههههه.....

ايه الفيديو العجيب ده دول عاملين الانمى محجب و منقب غير الاغنيه الغريبه دى ...هى وصلت لضوفره قصيره هههه

سكندري يقول...

عي فكرة هي "أراجوزي" مش "انا جوزي"، بس نقول ايه بقي ...يظهر ان اللي عملت الفيديو فعلا متجوزة اراجوز
و كل عام و انتم بخير ((((:

د/دودى يقول...

بس هو الاراجوز ليه ضوافر؟؟

سكندري يقول...

اسمعيها تاني بس و انت تعرفي ان اراجوز من طراز خاص ، دي بيغسل وشه و له ايدين و رجلين كمان يبقوا 4 (:

د/دودى يقول...

هههههههههه....ايه الاغنيه الفقر ده ؟؟؟ ههههههه

ابراهيم رزق يقول...

فاكرة فيلم اسماعيل ياسين فى البوليس

هو كان طالع عسكرى مش بيعمل حاجة غير كل شوية يقول هاع مين هناك عشان الكل يخاف
السلفيين دول كده مفيش واحد اتكلمت معاه الا لقيت والله حقيقى فكره على قده حتى لو واخد دكتوراه الافق ضيق صعب ان يقبلوا الاخر من حقهم يتكلموا و يقولوا وجهة نظرهم اللى انا واثق مش هتعقنع حد لكن من حق الباقى يقول رايه
بصى يا ستى كل تفكيرهم لفت النظر و استعراض العضلات خلصت المادة التانية طلعوا بوفاء قسطنطين خلصت وفاء طلعوا بكامليا خلصت كامليا طلعت بالشيخ عمر عبد الرحمن خلص عمر طلعوا بسعاد قصدى مسجد النور و ستدور الدايرة طالما فى ناس بتسمع حلهم تفعيل القانون و التجاهل

خالص تحياتى

faroukfahmy58 يقول...

دكتورتى
َتَكتّم حديثنا حتى اذاع الصمت ما أخفى الكلام
انا غير منفائل الى ماوصلت اليه امورناحتى الى اماكن العبادة والتى تقع فى اهم شرايين مصر وصل الامر الى العباسية فما بالنا باماكن الزراية والزرابةالمتخفية فى جيوب القاهرة وغيرها من المدن والقرى
وفقت اختى فى العرض ولكن من يرى ومن يسمع ومن يجيب الرجاء والنداء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

د/دودى يقول...

صديقى ابراهيم رزق : استعراض قوى اصبت ورب الكعبه فعلا تعبير مختصر لنوعيه افعالهم , هجوم متواصل و تخاذل مجتمعى لا اعلم سببه و كاننا على راسنا بطحه ...انا معاك فى تفعيل القانون و مش معاك فى التجاهل لان التجاهل هو اللى وصلنا للحاله دى

د/دودى يقول...

استاذfarouk : على رايك ده فى العباسيه امال فى الكفور و النجوع و العشوائيات المنظر ايه؟؟...اسلوبك مميز كالعاده

عليم يقول...

اسواانضمام لحرفين حين انضموا لكلمة قبلوا معناها الجميل الي معني صعب مكروة عنيف ويرفض الاخر

الكلمة هي ( السلف ) والحرفان هم ( يه ) مع العلم انهم في كل تصريحاتهم بيذكروا انهم بيفهموا الدين بفهم السلف الصالح

المشكلة انهمعند حدوث شيئ يشوفوا السلف عمل اية ويعملوه بالضبط تكلم الواحد يقولك فلان عمل كدة لما حدث موثف شبية

هما ناسيين حاجة اسمها القواعد الفقهية والدينية وحاجة اسمها الفقه المقارن وحاجة اسمها القياس

وللاسف فيهم ناس قرات فقط مثلهم مثل عباد بني اسرائيل كان العابد منهم يظل يعبد الله 80 عام ثم ياتي الشيطان ليفتنه بفكرة صغيرة

وتاملوا معي لماذا انزل الله ايات من القران ثم نسخت ولماذا حرمت الخمر بالتدريج ولماذا كان القران الكري منجما ( علي فترات ) ولماذا كان النبي يستشير اصحابه ولماذا عطل عمر بن الخطاب حد السرقة في عام الرمادة

ان كل ذلك انما كان لان السلف الصالح والصحابة والنبي صلي الله عليه وسلم يعملون بروح النص وبالقواعد لا ياخذوا النص ويرفضوا النقاش والاخر

بس الحمد لله الشعب لا يريدها سلفية مع حبنا لال البيت وللسلف الصالح

د/دودى يقول...

عليم : اسواانضمام لحرفين حين انضموا لكلمة التعبير ده احلى تعبير عبر عن المعنى ده ....هى مشكله السلفيه ان مبدأ غير متجانس بمعنى ان الصحابه و التابعين و اتباع التاعبين عدد ضخم و كل واحد فيهم كان ليه شخصيته المتفرده و كان كل منهما بيتصرف بطريقه مختلفه يعنى ابو الردرء مثلا كان بيتصرف بطريقه مختلفه عن سيدنا عثمان مثلا ....
و ان كنت اظن انهم بيشوفوا السلف عملوا ايه و يتصرفوا عكسه

الجوكر يقول...

اى سلفية التى يتحدثون عنها

فأين هم من سلفنا الصالح

الذين كانوا القدوة والمثل

لكن الظاهر نحن شعب لايعرف كيف يفرح

ولا يعرف كيف يتنفس الحرية

وإن تنفسها تعم الفوضى فى سائر جسده

فماذا نسمى مايحدث الآن فى مصر

من بلطجة وفوضى

منتشرة فى سائر المحافظات

نسأل الله أن يرزق مصرنا الحبيبة الأمن والأمان

ويبعد عنها كل مكروه

شكرا د / دودى

اسعدنى تواجدى بين نبض مشاعركِ

لكِ كل الود

ابراهيم رزق يقول...

انا قصدى تجاهل فتواهم و افعالهم الغريبة من الاعلام

خالص تحياتى

د/دودى يقول...

الجوكر: احنا شعب باين عليه فقر و منحوس و عى راى واحده صاحبتى عادى علينا غراب نوحى يوم الولاده..شكرا ليك فى زيارتك الاولى

د/دودى يقول...

ابراهيم رزق : اذا كان كده اه بس بالاضافه للتجاهل يا ريت نشد حيل الازهر الواقع..و اظز اللى من هو فى ابتدائى بيدرس دين احق انه بيتكلم من اى حد قرى له كاتبين

faroukfahmy58 يقول...

كل ربيع وانت طيبه د- دودى

د/دودى يقول...

و انت بخير ...قفلى على كل المواضيع

إرسال تعليق

حلو؟؟ وحش؟؟ طب ساكت ليه ما تقول....