"تدخل مريضة على كرسى متحرك بصحبتها ابنها دافعا الكرسى"
-دينا: خير يا استاذى؟ الحاجة بتشتكى من ايه؟
-ابن المريضة: تعبانة يا دكتورة
-دينا: "فى ارهاق" ما انا عارفه انها تعبانة , ايوه تعبانه من ايه تحديدا؟
-ابن المريضة: اصل..اممم...بس..اصلها مش بتاكل ..و ...و
-دينا: "تغير الاتجاه لتكلم المريضة" قول لى انت يا امى , مالك؟
-المريضة: تعبانة يا بنتى
-صوت داخلى 1: لا حول ولا قوه الا بالله , ما احنا عارفين انك تعبانة امال جايه المستشفى فسحه مثلا؟! هو لازم المقدمة دى كل مره؟ دينا تقول مالك فتقولى تعبانة و بعدين تعبانه مالك و ساعتها يبدأ الكلام , مينفعش من اول مره و نوفر وقت بعض؟!
-دينا: "فى ارهاق" تعبانة مالك يا ماما؟
-المريضة:اممم مش عارفه
-صوت داخلى 1:"يصرخ" و انا اللى هاعرف؟!
-دينا: ركزى معايا عشان اعرف اساعدك
-المريضة: اممم مش مظبطه بقالى كام يوم , نفسى مصدوده و مش جاى لى نوم , و زهقانة من نفسى
-دينا: زهقانة؟! اممم ماشى عموما هنقيس ضغط و سكر و نطمئن عليكى
-صوت داخلى 1: انتى لسه هتتطمنى؟! سكر اييييه و ضغط اييييه؟ بتقول لك زهقانه و مصدود نفسها لا و جايه على كرسى متحرك كمان ؟! دى على الرعاية المركزة على طول طبعا دى مش حاله طوارئ .... ارحمنا يااااا رب ما هى تذكرة الطوارئ ام ببلاش دى لمت علينا الناس
"يدخل مريض اخر , عصبى و قلق"
-المريض: الحقينى يا دكتورة , انا فى حاجه عضتنى
-دينا: ايه اللى عضك يا استاذى؟
-المريض: ما اعرفش
-صوت داخلى 1: روحى يا دينا هاتى الودع نضربه
-دينا: نعم؟
-المريض: اصل انا كنت نايم لوحدى و صحيت بعد ما اتعضيت
-دينا: طيب المكان اللى فيه ده فيه فيران ولا تعابين ولا عقارب؟
-المريض: فيه كله
-صوت داخلى 1: امممم يمكن سواريز هو اللى عضه
-دينا: بص هو مصل الكلب اللى بيتاخد مع عض الفار موجود و مصل العقارب و التعبان موجود برضه بس انا هاجيب حد اكبر يمكن يعرف من شكل دراعك دى عضه ايه
-المريض: طيب معندكيش حقن توقف وصول السم للكبد بسرعه
-دينا: ها؟!... طيب انت حاسس بايه دلوقتى؟
-المريض: حاسس انى مش مظبط
-دينا: خير يا استاذى؟ الحاجة بتشتكى من ايه؟
-ابن المريضة: تعبانة يا دكتورة
-دينا: "فى ارهاق" ما انا عارفه انها تعبانة , ايوه تعبانه من ايه تحديدا؟
-ابن المريضة: اصل..اممم...بس..اصلها مش بتاكل ..و ...و
-دينا: "تغير الاتجاه لتكلم المريضة" قول لى انت يا امى , مالك؟
-المريضة: تعبانة يا بنتى
-صوت داخلى 1: لا حول ولا قوه الا بالله , ما احنا عارفين انك تعبانة امال جايه المستشفى فسحه مثلا؟! هو لازم المقدمة دى كل مره؟ دينا تقول مالك فتقولى تعبانة و بعدين تعبانه مالك و ساعتها يبدأ الكلام , مينفعش من اول مره و نوفر وقت بعض؟!
-دينا: "فى ارهاق" تعبانة مالك يا ماما؟
-المريضة:اممم مش عارفه
-صوت داخلى 1:"يصرخ" و انا اللى هاعرف؟!
-دينا: ركزى معايا عشان اعرف اساعدك
-المريضة: اممم مش مظبطه بقالى كام يوم , نفسى مصدوده و مش جاى لى نوم , و زهقانة من نفسى
-دينا: زهقانة؟! اممم ماشى عموما هنقيس ضغط و سكر و نطمئن عليكى
-صوت داخلى 1: انتى لسه هتتطمنى؟! سكر اييييه و ضغط اييييه؟ بتقول لك زهقانه و مصدود نفسها لا و جايه على كرسى متحرك كمان ؟! دى على الرعاية المركزة على طول طبعا دى مش حاله طوارئ .... ارحمنا يااااا رب ما هى تذكرة الطوارئ ام ببلاش دى لمت علينا الناس
"يدخل مريض اخر , عصبى و قلق"
-المريض: الحقينى يا دكتورة , انا فى حاجه عضتنى
-دينا: ايه اللى عضك يا استاذى؟
-المريض: ما اعرفش
-صوت داخلى 1: روحى يا دينا هاتى الودع نضربه
-دينا: نعم؟
-المريض: اصل انا كنت نايم لوحدى و صحيت بعد ما اتعضيت
-دينا: طيب المكان اللى فيه ده فيه فيران ولا تعابين ولا عقارب؟
-المريض: فيه كله
-صوت داخلى 1: امممم يمكن سواريز هو اللى عضه
-دينا: بص هو مصل الكلب اللى بيتاخد مع عض الفار موجود و مصل العقارب و التعبان موجود برضه بس انا هاجيب حد اكبر يمكن يعرف من شكل دراعك دى عضه ايه
-المريض: طيب معندكيش حقن توقف وصول السم للكبد بسرعه
-دينا: ها؟!... طيب انت حاسس بايه دلوقتى؟
-المريض: حاسس انى مش مظبط
2 التعليقات:
مريت من هنا علشان اقولك اني انبسطت كثير برفقتك في الحوليات واعذريني لو قصرت في زيارة مدونتك بسبب مشاغل الحياة وضغط الكتابة اليومية ، بس أنت يا دينا في القلب طبعًا . ^_^
فرمضان كريم وكل حول تدويني وأنت بخير يا صديقتي طبيبة الامتياز
كل سنة وانت طيبة حبيبتى رائعة تسلم ايدك :)
إرسال تعليق
حلو؟؟ وحش؟؟ طب ساكت ليه ما تقول....