حصل موقف مع اختى النهارده سخيف...و عايزه اعرف رأيك فيه و هل من حقى الشكوى او لا
القصة كاملة: اختى و هى فى السنتر فى حصة الميكانيكا ....خرج المدرس عن موضوع الحصة و كان بيتكلم عن انجازات مرسى و قد ايه اللى بينتقدوه دول ظالمين و عايزين يخربوا البلد
اختى ردت بانها مش مقتنعه بيه ....ناقشها بعصبية بمزيد عن الحوار بانجازات الرئيس و انه "حافظ للقرأن" و بيصلى الفرض بفرضه و انكر اى مسؤوليه ليه عن الحوادث او المشاكل اللى حصلت فى الفترة اللى فاتت و شتم حمدين صباحى ...تطور النقاش فوصفت اختى مرسى بانه رئيس "فاشل" ملوش انجازات محددة فى الفترة اللى فاتت...اتعصب و نادى على المشرف بتاعه و قال بصوت عالى : هات لى الخرزانة....حاولت اختى تهديه و تناقشة ان مش حقة يضربها لموقف سياسى ...اتعصب اكتر و ضربها على ايدها و على جسمها اكتر من مره
بعد كده قعدت و اشتغل طول الحصة فضل يسألها هى بس .....
بعد ما اختى روحت حكت اللى حصل ..اتصلنا بيه انا و بابا و ما انكرش و سألناه اذا كانت اختى غلطت فيه بشكل شخصى قال لا....و لما سألته اذا كان اخوان انكر ...
لما سألناه عن سبب فعله: برر ان الرئيس "رأس الدوله" و "لا يجب اهانته" ....مذيلا كل جمله ب"ربنا يهديكى يا دكتوره"
السؤال بقى: هل انتقاد محمد مرسى ذنب يجب الهدايه منه؟؟ هل عمرو اديب لما وصف مرسى انه "فاشل" حد ضربة؟؟ و هل انا بدفع 100 جنية فى الشهر دروس خصوصية عشان اختى تسمع كلام سياسه و تتعاقب لما تعترض؟؟
5 التعليقات:
لو مكانك يا دينا كنت بلغت النيابة
اللى زى ده ميستحقش يبقى مدرس
حتى لو مرسى رسول من عند الله
فى النهاية هو بشر يختلف حوله الناس
انا متغاظ جدا والله العظيم وعايز اروح اضربه
الموضوع ده ميعديش كده
لازم يتأدب
بابا رايح بكره السنتر و لو ما اعتذرش هيطلع يعمل فيه محضر..اللى فقعنى انى لما كلمته فى التليفون مش مقتنع انه غلطان
اللى زى دول خدوا بالجزمه على قفاهم ايام حسنى كتير لدرجه ان دماغهم مش مبرجمه على الحريه اصلا
haik e7na ben7eb n2alleh
a7inan b7ess inna bnestahal koll elly e7na feeh
اللي زي ده لازم يتعلق من رجليه في ميدان عام !!!!
اصلا ضرب الطلبة ممنوع لاي سبب !!
ما بالبقى لو كان السبب ده سياسي !!!!!
إرسال تعليق
حلو؟؟ وحش؟؟ طب ساكت ليه ما تقول....