الثلاثاء، 30 أغسطس، 2011

توزيع جوائز الرفايع جلوب لرمضان 2011



بعد متابعه جاده لمعظم اعمال شهر رمضان من مسلسلات و برامج و اعلانات فقد قررت انشاء جائزه "االرفايع جلوب" و ايوه دى غير الجولدن جلوب بتاعه الفرنجه الامريكان باعمالهم التليفزيونيه اللى اعمالنا تضربها بالجزمه طبعا ...

كل الاتى ده من رأيى الشخصى و متابعتى و للاعلم فانا لم اتابع مسلسلات: مسيو رمضان , الحسن و الحسين و مشرفه رجل من هذا الزمان....بينما شاهدت الدالى كاملا و لم استطع اعطاه اى جائزه  


- جائزه الرفايع جلوب لاحسن مسلسل : الريان

- لاحسن مسلسل كوميدى : الكبير الجزء الثانى 

- لاحسن ممثل : باسم السمره "عن دوره فى مسلسل الريان"

و قد نافس "خالد الصاوى" بقوه على هذه الجائزه الا ان باسم السمره حسمها باداء ممتاز خاصه فى مشاهد الشلل و الادمان ..بينما تراجعت حظوظ خالد الصاوى بسبب مبالغته فى الاداء فى بعض المشاهد... 

- لاحسن ممثل صاعد : احمد صفوت  "عن مجموع ادواره هذا العام "

- لاحسن ممثله : حجبت

لم تستطع : ليلى علوى , فيفى عبده, سميه الخشاب, صابرين , غاده عبد الرازق, دره , علا غانم ...او اى ممثله فى دور اساسى حسم هذه الجائزه هذا العام 

- لاحسن ممثله صاعده :

مناصفه بين :  حوريه فرغلى "عن دورها فى مسلسل : دوران شبرا و مسلسل: الشوارع الخلفيه"

و دينا الشربينى عن دورها "المواطن اكس" 

- لاحسن ممثل اعاد اكتشاف نفسه : هيثم احمد ذكى اللى اعاد اكتشاف نفسه فى "دوران شبرا" فخرج عن جلباب احمد ذكى و يقدم اوراق اعتماده كممثل ممتاز...

لاحسن ممثله اعادت اكتشاف نفسها : ريهام عبد الغفور عن دور "بدريه" فى "الريان" اللى عملت دور رائع معلمتوش قبل كده و خرجت عن طريقه ادائها المعتاده و طريقه تمثيل ولدها ...دور بيخاف منه ممثلات كتير 

- احسن اخراج : مخرجى مسلسل "المواطن اكس" على ابداعهم فى انتاج صوره مختلفه بالاضافه لصعوبه التعاون بين 2 مخرجين   عثمان أبو لبن ومحمد بكير

- احسن مؤلف :  عمرو الدالى  مؤلف مسلسل "دوران شبرا" ذلك الشاب اللى متخرج فى 2002 !! و قدم دراما اقل ما يقال عنها انها ممتازه بلا تصنع او تكلف ... 

- لاحسن اعلان : حمله فودافون "ذكى و السلعوه"
على الرغم من ان ناس كتير مخدتش بالها من الحمله دى فى وسط حملات بيبسى و كوكاكولا و كيمو كونو الا انها استخرجت منه ضحكه لم يستطع استخلاصها منى احد هذا العام... 

- لاحسن برنامج دينى : برنامج "فتنه" تقديم المرأه المثاليه لهذا العام دينا فاروق من قناة دريم


- لاحسن  برنامج جاد : حلاوه شمسنا للرائع ماجد الكدوانى و اعداده الرائع

-لاحسن برنامج كوميدى : برنامج "البرنامج" لمذيعه المتألق باسم يوسف

-لاسوء برنامج : رامز قلب الاسد 

- جائزه خاصه لافضل انتاج و اغناه و اسوء مستوى درامى : سماره 

-جائزه اسوء مسلسل : مناصفه بين "نونه المأذونه" و " الزناتى مجاهد"



-لاحسن تتر مسلسل :
مناصفه بين : نهايه مسلسل "الشوارع الخلفيه" غناء / لؤى "اكثر من ممتازه"

 سريّحة وبييّعة وتلامذة في مدارس, وصبايا أحلامها في العشق وفي الفارس, وبلدنا بيحرسها الحافظ والحارس, أسسها وهندسها يزوروها امنيين

 و 

مقدمه مسلسل "وادى الملوك" غناء/ على الحجار

يـا خـلـق تـكـره كـل شـي جـمـيـل .. يـا عـبـاد تـبـات عـقـلا تـقـوم مـخـابـيـل .. كـيـف خـّي عـز عـلـيـه وجـود خـيـّه .. وكـيـف قـابـيـل اشـتـاق لـدم هـابـيـل !





- لاسوء تتر مسلسل : 
مناصفه بين  : بدايه مسلسل "شارع عبد العزيز"

كفك يا دنيا علم ع الجته وع القفه
اشوف حالك ابلم واتشحتف شحتفه
ليه تمشي معايا سلبا وتحلبيني حلبا
امتى ادوقك يا ملبا ع الفستق اتبرم
 


- تتر نهايه "كيد النسا" وائل جسار
 قالو الست فالخديعه ضليعه من بره هل هلا من جواا ينهار اخبر 




- احسن موسيقى تصويريه :
مسلسل ادم بابداع ياسر عبد الرحمن "و هى تقريبا الحاجه الوحيده فى العمل كله على بعضه " فحتى تتر البدايه اللى من تلحينه لم يبدع فيها تامر فجاء صوته مخنوق و كان اللحن عبء عليه...


و زى ما قلت ده مجرد رأى شخصى اخد فى تكوينه 29 يوم...و مشاهده 30 حلقه

10 التعليقات:

haneen adam يقول...

نقد رائع . . خلاص رح نحطك لجنة تحكيم في جوائز عربية و عالمية :)

elsayed azab يقول...

كل سنة وإنتى طيبة وعيدسعيد ومبارك علينا وعليكى إن شاء الله ..

أنا بقى برشحلك رجل من هذا الزمان مسلس أقل ما يوصف به كونه ممتاز إلى أبعد الحدود أداءاً وإخراجا وتصويرا وكل شئ وده من الصعب إنك تلاقى كل حاجة ممتازة فى نفس العمل ..

تحياتى ..

sabry abo-omar يقول...

أتفق معاكى فى أغلب إختياراتك ..كل سنة وانتى طيبة وعيد سعيد... تقبلى مرورى

ويكا يقول...

وانتى بصحه وسعاده وبخير وهنا ان شاء الله

وبعدين هو احنا مش قولنا مش هنتفرج على كل المسلسلات دى

برده مصره تتابعى ؟! :))

عيدك مبارك
ولا بلاش مبارك دى

عيدك حازم صلاح ابو اسماعيل

ابراهيم رزق يقول...

صلى عاى النبى كمان زيدى النبى صلاه
يا سلام على رفايع جلوب و لا امريكان جلوب
بصى انا متفق معكى فى حاجات و مختلف فى حاجات
اولا باسم السمرة متفق معكى لكن لجائزة احسن ممثل مساعد زى الاوسكار و كان فى ممثل مساعد
لكن احسن ممثل خالد الصاوى المواطن اكس
احمد صفوت بخطيئته كيد النسا و هبله مع فيفى عبده تسحب منه الجائزة
جائزة اسوء مسلسل كيد النسا الذى يصيب من يشاهده بالبلاهة
اضيف من عندى اسوء ممثل تامر حسنى
اسوء ممثلة فى تاريخ مصر سينما و مسرح و تليفزيون فيفى عبده
سعيد ان اعجبك برنامج فتنة

Tarkieb يقول...

كل سنة وانت طيبة ...سايبة المذاكرة وبتتفرجي هههههههههههههه....بصراحة ماشفتش ولا حاجة مدمن اخبار

Ms Venus يقول...

مكنتش اعرف انك ناقدة متمكنة كمان يا دينا


اتفق معاكى فى اغلب اختياراتك


عيد سعيد

مدونة صفوان يقول...

كل عام وانت بخير

عيد سعيد

تحياتى

وجع البنفسج يقول...

والله فكرة حلوة يا دينا .. بالنسبة لما ذكرتيه يعني 90 % معاك ..وخاصة بالنسبة لمسلسل الريان ،، يمكن هو المسلسل الوحيد اللي شفته وتابعت أخر حلقاته .. واعجبني تمثيل باسم سمره وبدرية !! واعجبني تتر النهاية لفضل " مش عارفة ليه " ..
بالنسبة لباقي المسلسلات لم اتابع شيء وتفاجأت باسماء المسلسلات والأبطال اللي كانوا في رمضان ، اول مرة اسمع بأسمائها ؟ اصلي ماكنتش متابعة قوي التلفزيون في رمضان .. بس طبعا لم يعجبني سمارة وكيد النسا وادم والزيناتي وعريس ومش عارفة مين بطيخة كمان وطبعا ولا نونة المجنونة !!
عموما حبيت امر واقولك كل عام وانت بخير ، ينعاد عليك وعلى الأسرة الكريمة بالخير واليمن والبركات .

قلم جاف يقول...

تدوينة جميلة رغم اختلافي مع كثير جداً من اختياراتك لكن تعدد الرؤى ووجهات النظر شيء جميل في ذاته..أحييكي..

كل سنة وانتي طيبة ولو إن العيد فات عليه أسبوعين :)

إرسال تعليق

حلو؟؟ وحش؟؟ طب ساكت ليه ما تقول....