اعلان روابى بتاع الملوخيه دى مستفز ليا جداااا....هتقول لى ليه؟؟؟ هاقول لك حاسه مهين للستات بشكل او باخر....قال جوزها طالب ملوخيه و هى مش عارفه فتجرى تدور تعملها ازاى بما انه "على الحجات دى صغيره" و لما تتعلم تعملها و البيه جوزها يدوقها و تعجبه فيختموا الاعلان "اصلها مبقتش صغيره" يا سلاااام على الخبره اللى استفادتها و شخصيتها اللى اتطورت بتعليمها لتطبخ عشان تاكل البيه اللى بتشرط....
حاجه تقرف...ماله اعلان انسى هموم الدنيا يا ساحبى ما هو زى الفل
و ده مش غريب على الاعلانات فالاعلان اللى بنتكلم عنه ده طول الوقت بيعلموها ازاى ترضى جوزها و تعمل له الملوخيه اللى بيحبها.....الاعلان اللى تحت ده بقى كان اعلان قهوه "بن يعنى" فى الستنيات فى امريكا زى ما انت شايف كده صوره الاعلان واحد بيضرب مراته لهجه الاعلان كانت بتقول لو جوزك بيضربك لما بيعرف انك بتشترى بن من غير ما تدوقيه الاول اشترى القهوه بتاعتنا اللى ممكن تدوقيه و تشربيه قبل ما تشتريها "ده اعلان بجد على فكره" شفت الاعلانات ممكن توصل بيك لايه؟؟؟....
مش مشكله ان حضرتك تشتم حمدين , عادى مصارين الثوره بتتخانق و بكره تتصالحوا و دى نرفزه ملعب
مش مشكله انك تقف مع ابو الفتوح و مرسى و تقنعنا انك فى نفس ذات الوقت بتكره الاخوان, عادى بتحصل كلنا لينا اراء عجيبه احيانا و ماله
مش مشكله ان كتب حضرتك غاليه, عادى احنا كمان بنستهبل و بتقراها بى دى اف ببلاش...
لكن انك تكتب مسلسل لحنان ترك كتوأم , ابوها و امها يتقتلوا فى اول مشهد و الحراميه يخطفوهم و يحطوا واحده قدام كنيسه فتبقى مسيحيه و واحده قدام جامع فتبقى مسلمه يبقى استهبال بصراحه !!!!
صورتى مع بلال فضل ايام توقيع كتابه الجديد...حطيتها لانى فعلا بحبه بس ده نقد خفيف و القافيه تحكم
و لكن بالنووسبه للناس اللى بتقول ان قطع الكهربا مغرز من الفلول و العسكر...
حاجه من الاتنين يا اما الكلام ده غلط و بكده يبقى مرسى بقاله اسبوعين و معملش حاجه و مسوحنا فى برلمان و دستوريه و سايبنا نتشوى فى الحر و نتخبط فى الضلمه....
او اللى الكلام ده صح يبقى حضرتك مش عارف تمارس سلطاتك و تجيب حقنا و ساعتها هاقولك انا عايزه ريس يجيب لى حقى مش انا اللى اجيب له حقه....
قطع النور ده بقى مسخره من الاخر....انا عميل بدفع فلوس و عايز خدمه مش تلهف كل شهر شئ و شويات و انا قاعده اتشوى من الحر و عينا تتعمى من نور الشمع...
و على رأى واحد صاحبنا : في الأثر : لو ان بغلة تعثرت في العراق لسئل عنها عمر .. شوف مرسي هيسأل ( بضم الياء ) عن كام واحد بيتعثروا جوا بيوتهم عشان الكهرباء قطعت
لكن نفسى افهم ايه متعه الرجاله فى اشعار المراه بانها تصنيف تانى او تالت حتى....ايه وجه الصلاح فى ان حضرتك كزوج تترضى او تتسعد و مراتك حزينه و متنكده؟؟؟....ايه وجه حبك ليها فى انك تبقى سعيد و هى مخنوقه او تعبانه؟؟؟....ازاى هتستمتع و مراتك مش سعيده؟؟...افهم انك بتحب واحده و هتتجوزها و بتسرح فيها و بتقول اتجوزينى انا عايز اسعدك لكن تكون متزوجها على تبسط روحك اظن ده ميبقاش لا حب ولا موده و رحمه
طبيعى انك تبقى انانى و تحب كده لكن انك تلزق ده كله للدين و الصلاح شئ تييت بصراحه...اصل صاحب الصوره فقعنى...حاطط صوره عروسه بتبوس ايد حد (تقريبا حماتها) و حاطط ان الذل و الخنوع ده كله من الصلاح فى الدين!!! شئ مقزز انك تستغل الدين فى انك تبسط نفسك....
و لكن تكمن المشكله انه حين صاح جمال عبد الناصر فى وجه الجماهير فى ميدان المنشيه "عبد الناصر علمكم العزه, عبد الناصر علمكم الكرامه" صفقت الجماهير...لم يهب احد منهم صارخا بان الشعب هو مصدر سلطتك , لم يغضب احد لاتهامه بانه كان عديم الكرامه قبل مجئ البكباشى...فقط صفقت الجماهير لذا تراها تصفق حتى الان...
الاكتئاب بسبب و لسبب مختلف تماما عن اكتئاب الرفاهيه اليومى ......سمعت يومها تلك الاغنيه لاول مره .......ذهبت الاحزان و ظلت الاغنيه مزار ترجع له كلما نسيت او تناست الدرس......
ردنى عالبااااب عطب روحى جاب لى نااااى و زتونه مطروحى
تغيرت لهجه الكلام...هل مرض فجأه؟؟ هل حزين؟؟ هل غاضب؟؟....انها بالتاكيد ليست طريقه كلامه الطبيعيه بها ان اعوجاج واضح...مخارج الفاظه فجأه ليست واضحه كعادته؟؟.....
شعرت بنيران القلق تشتعل فى صدرها....ادعيت السذاجه و هى ليست بساذجه....انها تعلم اعراض "الجلطه" ...رأتها من قبل فى عشرات المرضى ...فحصتهم و عاينتهم و رأت فشل علاج معظمهم.....ازاحت غراب البين من على كتفها قائله له انه محض خيال ليس اكثر .....لكنه رجع مصاحبا باقى عشيرته معه......
نصحتهم بزياره طبيب الاعصاب المشهور ذو العياده القريبه....لم تستطيع تملك اعصابها بالشكل الكافى لتذهب مع ابيها الى الطبيب ....اعتذرت بكثره المذاكره و قرب الامتحانات و كل ما تراءى لذهنها من اعذار ممكنه...ذهب مصاحبا امها....
حاولت ان تكمل المسرحيه بمذاكره وهميه لكنها لم تتمكن من الخداع اكثر من ذلك....هبت لتبحث بين اوراقها القديمه على سبب اخر يؤدى الى نفس الاعراض فلم تجد فاذا بها تلوى ذراع الحاله ليناسب تشخيص اقل خطوره و اسهل علاجا...و بينما تبحث رن جرس الباب
حزن يا محول خطوط سيرى حزن يا عطار فى باب اللوق شوفلى تحويجه لتفسيرى حط ريحه بُن لضميرى شوفلى عود أصلب من المغشوش
دخل عليها متهلل الوجه مبتسم....ارتاح قلبها و انزاح غراب الهم كل ذلك فى لحظه....رسمت على وجهها ابتسامه واسعه لم ترسمها من فتره طويله....صاح بلهجته المرحه الساخره حتى من نفسه : "هييييه جلطه"......
كان مشهد انطفاء بسمتها الواسعه موجعا للجميع....فقدت اعصابها و بدلا من الهدوء و اعطاء النصائح للجميع و التهدئه وجدت نفسها فى سريرها الصغير متقوقعه تبكى انهارا لم تبكيها من قبل....
يومها شعرت بان الدنيا تعطى لها ظهرها...تخبرها بانتهاء مرحله النعم التى لا تعترف قط بقيمتها...تخبرها بانتهاء حقبه الصحه التى لم تقدرها و لم تجد بها ما يستحق الشكر او الحمد...انتهاء مرحله الاستقرار التى اتهمته بالملل و ثبات الحال....تخبرها بانها ليست بالقوه التى تتخيلها.....تخبرها بان ما رأته ممكن ان يحدث لها فى طرفه عين...توجهت لله بكل جوارحها بان ينقذها من تلاعب الدنيا بها و شعرت رحمته كما لم تشعر بها من قبل
ذهبت لاستلام الاشعه المقطعيه ....و مع قرأتها لها تيقنت بانها مازالت فى مراحله الانكار فها هى الاشعه تؤكد ما اكده الطبيب و ما اكدته هى من قبل لولا اختلاط مشاعرها....
سألوها عن مصير الحاله...و مع علمها بان فرص التعافى قليله و بطيئه وجدت لسانها يكذب و يوعد بالتحسن السريع فى ظروف شهر على الاكثر....
و كانت تلك هى المأساه اما الملهاه الحقيقه هو ان بعد مرور ذلك الشخص كانت الحاله قد تحسنت بشكل ملحوظ و بات اثار الشلل لا ترى الا لعين خبيره .....
و لكن كيف مر هذا الشهر هذا ما تحاول تناسيه و لكن تظل الاغنيه تذكرها به كلما استمعت اليها.....ما بين الحقن و الادويه و القنوط و الحمد يظل الدرس حاضرا "لا تنسى انكى بشر"....و مع الدرس تطل الاغنيه دائما
و لكن سيكتب التاريخ ان اولى قرارات "الرئيس" مرسى ليس تشكيل الحكومه او تعيين نائب امراه او مسيحى او حتى قرار عن النظافه او التعليم او الامن و لكنه رجوع البرلمان الذى يحوز حزبه فيه على الاغلبيه....و بعد كتابه التاريخ لتلك الجمله سيضيف "اه صحيح و كمان القرار اصلا غير دستورى".....يعنى لمصلحتك بس و كمان غير دستورى ده احنا بنتشعبط فى رضا ربنا :)
و لكنى لا امنع حزنى حين اسمع خبر مليونيه تأييد لفلان ليس لاعتراضى مع هذا الفلان لكن تحول ميدان ال "لا" ميدان نؤييد و نبارك فلان شئ محزن....تحول اكبر ميادين الراديكاليه و الرفض الى مجرد مسيرات مؤيده للسيد الرئيس شئ محبط....انزل اهتف "لا للعسكر" و بلاش "نعم للرئيس" دى و النبى عشان المراره
اه بالمناسبه واااو يا المفاجأه فعلا مكنتش متخيله ان الاخوان هيأيدوا مرسى....ايه الهبل ده و هى دى محتاجه اعلان؟!!
