الثلاثاء، 20 سبتمبر 2011

موسم الهجرة الى الشمال



الصيف عندى يعنى الكتب ...بقرا كتير لكن مش بكتب عن الحاجات اللى بتسنفزنى للكتابه اما بجودتها المطلقه او سوءها المطلق اما الكتب ذات المستوى السئ او الجيد نسبيا فاحتفظ فيه برأيى لنفسى ....




و الناس فينا يعشقون مداهب ...كل الناس معجبه بالروايه  اعجاب كبير كأنها الالياذه و بعد قراءه متأنيه رأيتها روايه اباحيه سخيفه فاما انها بلا معنى او انى مش فهمه ....

ممطوطه مطوله بلا داعى احيانا و مستعجله تأكل الاحداث احيانا ...شخصيتها بعيده عن الواقع و كأنها من ورق و ليس من لحم و دم ....ترددت بين الاتنين و التلاته من خمسه و فى رأيى هى تستحق 2 و نص...انها روايه الطيب صالح اللى طبعت اكثر من 13 طبعه  انها "موسم الهجره الى الشمال" ..

.يمكن ان يكون هذا تأثير "الطنطوريه" لرضوى عاشور قطعا فلكل شئ عيوب حتى قراءه كتاب مفرط فى الروعه زى ما عبر عنها احمد مكى فى اغنيه الكبير قوى "طعم التفاحه بعد الشكلاته ماسخ ما ينفع" بالظبط كده ...

ممكن تكون روايه عظيمه ظلمتها ظروفى المزاجيه لكن بلا توهم و بصراحه الوقاحه فاراها روايه لا تستحق كل هذه الضجه و الصخب و كل هذا الكم من الدرجات النهائيه فى التقييم ....ثم ما كل الوصف الاباحى بتفاصيل لا اريد ان اقرائها؟؟ ما انكرش اتها احيانا تتوهج فى لحظات و تصل الدراما فيها لمستوى جيد الا انها سرعان ما تنذوى فى اصرار الكاتب على الفاف البطل فى حاله غموض لا مبرر لها....لولا اختلاف الاذواق لبارت السلع


171 صفحه قرأت فى اليوم الاول 131 صفحه و انتزعتها من يدى قبل ان اقطعها فى لحظه غضب ...ولانى قررت ان اعطيها فرصه اخرى فى مزاج ليس بعاصف كحالى اجلت باقى الصفحات ليوم اخر ...و للاسف كان هذا اليوم هو اليوم بنفس الغضب و خيبه الامل انتهت كما ابتدت .....

5 التعليقات:

Kem يقول...

مقريتهوش بصراحة , بس طالما بتقولى انه في اباحية يبقى افتكر انى هأجله كام سنة كده .
اقعدى بالعافية :))

ابراهيم رزق يقول...

صلى على النبى زيدى النبى صلاه

اعطى نفسك فرصة مرة اخرى بشرط ان تنسى الانطباع الاول الذى اخذتيه عنها

يعنى ايه رواية اباحية
الرواية هى وجهة نظر الكاتب وشخصياته الموجودة بالفعل فى الواقع
تحياتى

قلم جاف يقول...

خلينا مع "الطيب صالح"..

في "عرس الزين" اللي قريت أجزاء مش صغيرة منها جذبني العالم اللي قدمه "الطيب صالح".. شخوص وحركة وأماكن وصوت وصورة.. قيمة الخيال اللي يخلي الرواية والقصة إبداع ، بعيداً عن عك "إحسان عبد القدوس" وآخرين..

Tamer Nabil Moussa يقول...

احنا بنتابع الروايات والقصص والشعر لية عشان لازم يكون من ارض الواقع

مش شرط يكون العمل من الواقع

عشان نحكم لية

العمل الادبي الناجح من راى هو من يثير البراكين والعواصف علية سواء بالايجاب او السلبى

مع خالص تحياتى

Ms Venus يقول...

ليس كل ما يذاع صيته يستحق ...

إرسال تعليق

حلو؟؟ وحش؟؟ طب ساكت ليه ما تقول....