الثلاثاء، 22 فبراير 2011

مع الكتاب الاخضر مش هتقدر تغمض عينيك "التعليم"

الحلقه التانيه : كتكمله لتفصيص الكتب الملون و تحديدا الكتاب الاخضر اتنقلت لفصل التعليم اللى بيعرض فيه مش بس لوجهه نظره لمستقبل التعليم بل ايضا لمساوئ كل النظم التعليميه الاخرى فى كل البلاد " وده طبيعى بما ان العرب كده كل واحد فيهم صح و الناس كلهم يا انما اغبيه او عملاء لجهات غير معروفه" ....

تعالوا الاول نقرا فصل التعليم و بعدين نتكلم :






"ان التعليم الاجبارى و المنهجى المنظم هو تجهل فى الواقع للجماهير" كلام غريب شويه صح؟؟ ممكن يبان انه يقصد ان تحديد مناهج موحده بيبرمج الاطفال على تفكير واحد...لكن فى البلاد المتقدمه اللى بيطلع منها عباقره نفذ هذا النظام الموحد و نجح و بالتالى فايه الحاجه لاعاده اختراع العجله و التفكير فيما ستكون مثلثه او مربعه ام الاكتفاء بكونها مدوره و خلاص...

"ان هذا لا يعنى قفل ابواب دور العلم كما يبدو للسطحيين عند قراءتهم" متشكرين قوى بصراحه...لعلك استوقفتك تلك الجمله عند قراءتك كما حدث معى لانى بصراحه قلت بينى وبين نفسى بعد قراءه الصفحه الاولى "هو عايز يلغى المدارس ولا ايه؟؟" ففوجئت به بيشتمنى فى وشى خبط لزق او فى تعبير مبتكر اكتر خبطنى لزق خبط لان القذافى واضح ان بيحب الاختراع و الابتكار..


 لعلك لاحظت ان الصفحه الرابعه كلها "معاديه للحريه" فاذا طبقت تلك النظريات لحمدت الله كونك فى ليبيا لان باختصار بالطريقه دى كل الدنيا معاديه للحريه ...هو بيقول ان يكون كل فروع العلم متوفره يعنى بالظبط نعمل ايه؟؟ و بتطبيق تلك القاعده على مدارس ابتدائى مثلا ازاى نخلى تلاميذ 8 سنوات يختاروا فى انواع و اشتات المعرفه؟؟ ازاى تتجنب انهم يختاروا ماده ميكى ماوس للاولاد و كليه باربى العليا للبنات؟؟.....

ملاحظه اخيره : ملاحظه عموميه فى الكلام و عدم بيان لطرق و خطوات واضحه فيما يشبه الدستور فالجمل انشائيه كموضوع تعبير اكتر منه خط انتاج دائم للالهام لشعب اظن انه لم يفهم او يستسيغ ما قرأ....

الى اللقاء فى الحلقه القادمه..

4 التعليقات:

KhaOula Kasmi يقول...

ياسلاام
شوفو من يتكلم على *الدكتاتورية والجهل والتعصب*

عامل فيها فيلسوف وهو..الله يعلم به
عامل فيها عالم وبيقول عالناس سطحيين..
لاوالله
"ان هذا لا يعنى قفل ابواب دور العلم كما يبدو للسطحيين عند قراءتهم"
من هذه الجملة تاكدت من انه فعلا جاهل
لانه يفتخر بانه عالم وغير سطحي والعالم الحقيقي
هو الذي يعلم بانه لا يعلم ابدا فعلاا

حسبنا الله ونعم الوكيل
سلمت يدك اختي

د/دودى يقول...

خوله / والله عندك حق هو فخور قوى انه شتم القارئ بتاعه مشكلته انه "فذلوك " زياده عن اللزوم...نورتى

عماد هلال يقول...

سألوا القذافى عن الثورة قال ممممم الثورة مراة الثور
وسألوه عن عمل المراة قال نحن نوافق على عمل المرأة سواء كانت ذكر أو أنثى.
ومن أهم ألقابه:
أ كالتالي: 1 - العقيد، 2 - الزعيم، 3 - قائد الثورة الليبية، 4 - امين القومية العربية، 5 - عميد الحكام العرب، 6 - رئيس الاتحاد الإفريقي، 7 - ملك ملوك إفريقيا، 8 - قائد الطوارق، 9 - رئيس تجمع دول الساحل والصحراء، 10 - قائد ما يسمى بالقيادة الشعبية الإسلامية، 11 - إمام المسلمين. ولكن يظل أحلى لقب هو ما أطلقه عليه الرئيس أنور السادات وهو: الواد المجنون بتاع ليبيا".وكاريكاتور فهمى حسين قاعد على القصرية اياها ...
تحياتى.. وموضوع الكتاب الأخضر قووووى حلو

د/دودى يقول...

مقدرش اقول ان القذافى كان مفاجأه بالنسبه لى لانى كنت غاويه اجمع مفارقاته من زمان لكن واضح انه مفاجاه للجيل الجديد المصرى و العالم الغربى اللى مش متخيلين عبقريه الراجل ده...على رأى المسلمانى "قدمنا 5 الالف سنه ضوئيه عقبال ما نفهم عبقريته"...وحشتنا و الله يا استاذ عماد

إرسال تعليق

حلو؟؟ وحش؟؟ طب ساكت ليه ما تقول....