الاثنين، 21 فبراير، 2011

لبن العصفور فى ورق سوليفان

لبن العصفور فى ورق سوليفان:



فاكرين فيلم "عوده الابن الضال" ابداع يوسف شاهين لما كان "على" هو المنتظر من اهالى البلد كلهم اللى محدش منهم عمل اى حاجه طول حياته فى انتظار المهدى المنتظر اللى هيعدل المايل و يجيب التايهه و المطلب الاهم "لبن العصفور فى ورق سوليفان"كان ده كان حلم منا و وعد منك..وفى نفس اللهفه يهتف الجميع: "قولينا ايه اللى انت كسبته؟ايه اللى لاحبابك جبته؟؟دا احنا عطشانين و متشوقين!!!
هو مصر نزل عليها كنز؟؟؟؟لان لو نزل عليها كنز يبقى انا عايزه منه هو انا يعنى ماليش نفس ولا وقعت من قعر القوفه!...الاجابه البسيطه :لا مصر منزلش عليها كنز
لكن موظفين مصر كلهم طلعوا عايزين فلوس مع ان المارد بتاع الفانوس السحرى لسه مطلعش ما ختمش الشيك اللى هيروح البنك(ده لو فى بنك بما ان حتى موظفين البنوك نفسهم عايزين فلوس)..

الغريبه ان هى الشريحه دى بذات اللى مرضيتش تنزل المظاهرات خوف عالبلد من الفوضى و الضياع(بغض النظر ده صح ولا لا)لكنهم لم يجدوا اى غضاضه فى النزول الان فى الوقت اللى بجد البلد عايزهم فعلا
*24 الف عامل فى غزل المحله بيعتصموا عايزين يشيلوا المدير و طبعا فلوس تحت اى بند بقى
*500 واحد فى فيصل بيتظاهروا فى الجيزه عشان مش عايزين الشرطه تنزل!!و النبى دول يترد عليهم و يتقال ايه؟؟


 مطالبهم مشروعه؟؟ فى 90%من الحالات اه..ده وقته؟؟ اقولك لا.. قلقانه؟ بصراحه اه..خايفه من بكره ؟ بصراحه اكتر اااه

4 التعليقات:

موناليزا يقول...

كلنا خايفين من بكره
بس ان شاء الله خير

د/دودى يقول...

موناليزا : اهلا بيكى فى رفايع فى الاول...انا حاسه ان المصريين خاصه النساء بقى عندهم مشاكل نفسيه بسبب التوتر اللى احنا فيه ...يارب خير

اغانى الشتاء يقول...

المظالب الفئوية يتبوظ حاجات كتير دلوقتى على العموم المستشر هشام البسطويسى بيقول ممكن كلها تتحل بعمل حد ادنى لاجور 600 جنية موقتا لحد ما الاقتصاد يتعدل ساعتها يبقى الحد الطبيعى
لكن لحد دة ما يحصل المفروض ان كلنا اما ننزل يبقى هدفنا حاجة واحدة بس هى اقالة حكومة شفيق و محاكمة رؤوس الفساد بس

د/دودى يقول...

المشكله ان المطالب مش فلوس بس دول عايزين يعينوا ولادهم و عايزين يشيلوا مدير مكتبهم و مساواتهم باى حد على مزاجهم...الاخطر انهم كلهم اتعلموا من نموذج التحرير بطريقه مش هنمشى غير لما طلبتنا تحصل ولا تفاوض...ربنا يستر بقى

على فكره انا ضد اقاله شفيق و شايفاه مناسب جدا للمرحله اما المحاكمه فالتحقيقيات شغاله و ما اظنش نزولنا مفيد فى النقطه دى

إرسال تعليق

حلو؟؟ وحش؟؟ طب ساكت ليه ما تقول....