السبت، 14 يناير، 2012

مع انسحاب البرادعى :(





مع انسحاب البرادعى اصبح من المؤكد ان الرئيس القادم لن يمثل الثوره


مع انسحاب البرادعى اصبح الواضح ان الاسلاميين لن يكتفوا بالمجلس و الحكومه و تتعالى الامال فى منصب الرئيس


مع انسحاب البرادعى و ضعف فرص الصباحى و ضياع ايمن نور بين طيات القضاء فالليبراليه لن تمثل فى منصب الرئاسه


مع انسحاب البرادعى تزيد فرص عمرو موسى قليلا -على الرغم من عدم حسم موقفه اذا كان فلول ام لا- و بذلك تتجمع الشله القديمه بالجنزورى رئيس وزاراء و طنطاوى على رأس الجيش و موسى على رأس الرئاسه "مفضلش غير حسنى عشان تكمل القاعده"


مع انسحاب البرادعى قد يطمع السلفيين فى "الامامه العظمى" و قد تفاجئ بابو اسماعيل يفتتح الجلسه ....مش بعيد تصبح قناه الناس هى القناه الرسميه للدوله...


مع انسحاب البرادعى يجد شباب الثوره "ضهرهم للحيط" من برلمان اسلامى ...و وزاره جنزوريه ...و رئيس بيعتبرهم اما مخربين او مارقين


مع انسحاب البرادعى اصبح واضحا ان الجيش سيظل للابد فوق رؤسنا سيد ابونا حتى اذا جاء رئيس كاركتورى 


مع انسحاب البرادعى ضاعت فكره الرئيس المحايد كمثال تونس و كعاده مصر نضع نموذج اخر غالبا سيكون فاشل


مع انسحاب البرادعى اعلم اننا سنظل فى مرحله الايدى الخفيه و المؤامرات الخارجيه و العناصر المنشقه بلا سبيل للخروج 


مع انسحاب البرادعى مش هلاقى حد ارشحه :((


عارفه ان نجاح البرادعى مكنش متوقع بقوه بس كان طاقه امل تنقذنى من الاكتئاب..

11 التعليقات:

AHMED SAMIR يقول...

نحن شعب لا يستحق البرادعي
للأسف الشديد

سواح في ملك اللــــــــــــــــــه- يقول...

عايزة وجهة نظري

طبعا انا بحترم د\البرادعي جدا

وعارف ان كان ليه دور رأ يسي في الثورة

بس اللي عايز اقوله ان مصر التي انجبت البرادعي وزويل

ونجيب محفوظ ليست عقيمة

قد تاتي لنا برئيس وطني يخدم مصر

وطالما فيه فرصة انتخابات واصبح الصندوق هو الحكم

فسيأتي من يرتضيه الشعب رئيسا

علي فكرة

انسحاب البرادعي ده

فكرني بخطاب تنحي عبد الناصر

Sara يقول...

تفائلي يا دينا :)

دي مجرد خطة :)

Umzug Wien يقول...

من باب اختلاف الرأى لا يفسد للود قضية خلونى اختلف معاكم
خدمة بلدنا مش محتاجة لمنصب
يعنى اذا حضرتو حابب يخدم البلد لسه بأيده يخدم ويقدم افكاره من غير مايبقى رئيس للجمهوية ....
ياريت نحط دة فى الاعتبار .. اما لو كان الهدف المنصب .. وبس
يبقى عليه العوض ومنه العوض

اخبار يقول...

ريحنا

هبة فاروق يقول...

عايزه اقول لايك للبوست ده
كل اللى جوايا انتى قولتيه
حزنت مثلك على انسحاب البرادعى..لكن ليه الشباب ميعملش صفحه على الفيس يقول فيها عايزين البرادعى علشان مصر
اعتقد دى اقل حاجه ممكن نعملها
تحياتى

ع.سالم يقول...

أنا أكبر مؤيد للبرادعي لكن أنا شايف إنك مزوّدة الأمر شوية (مع إن أنا عارف إنك كاتبة كده عشان إحباطك)، بس اللي البرادعي عمله صح من وجهة نظري..
لما يشارك مع الشباب خارج الإطار (على حد تعبيره) هيركز أكتر.. دي وجهة نظري.

:))

Ms Venus يقول...

رغم ان كل اللى قولتيه يا دينا محسسنى بالاحباط والرعب


لكن معرفش ليه جوايا فى احساس ان فى فصل تانى للحكاية !!

اسعار العملات يقول...

الحمد لله .. اراح واستراح

Bent Men ElZman Da !! يقول...

انا بردو ماحبتش انسحابه ده
لانه كان بالنسبه ليا امل والوحيد اللى اقتنعت انى ممكن ارشحه بعد ما املى خاب فى عمرو موسى
دلوقتى انا زيك مش عارفه ارشح مين
بس مفيش غير الامل اللى يمكن ينقذنا :))

Übersiedlung يقول...

اللهم ولى من يصلح

إرسال تعليق

حلو؟؟ وحش؟؟ طب ساكت ليه ما تقول....