الكتاب بيضم مقالات كتير معظمها مكرر لمن قرأ-كثيرا- لانيس منصور لكنى هنا اتناول الامر من زاويه عاطفيه للغايه..خاصه بأول 3 مقالات فى الكتاب
****************
بدأت مع انيس منصور و انا عندى 9 سنين..كان تانى كتاب اقراه فى حياتى كتاب "معنى الكلام" لانيس...خدنى من ايدى و فرجنى على العالم الصغير و العالم الكبير
العالم الكبير كان يمثله السفر و حلم السفر حول العالم ...و العالم الصغير كان الكتاب
انيس منصور كطفل كان قارئ ممتاز خاصه عدديا...كان من النوع اللى بيقرا اى حاجه و كل حاجه و كان مؤمن ان كل ما زاد عدد الكتب اللى بتقراها كل ما استفدت...على الاقل استفدت متعه القرايه نفسها
انيس كان الطفل اللى اخد شهاده من مكتبه المنصوره العامه بانه قرا كل كتب المكتبه..بالمناسبه كان حلم ليا و انا صغيره انى اخد شهاده زى دى من مكتبتى
اختلف معى الكثيرين فى طريقه قرايتى...انا زى انيس منصور بقرا كتير اى حاجه و كل حاجه من غير تركيز على "فؤائد" و "مزايا" و خطط القراءه المستقبليه
النظرية دى هى اللى خلتنى اقرا عن فن الباليه...اقرا فى الشطرنج...شعر بالعربى و بالانجليزى...نظريه اللعب عن الاطفال..قواعد هندسه المعمار...اى حاجه و كل حاجه
اعلم بوجود نظريه اخرى فى القراءه هى نظريه على عزت بيجنوفتش...لكنى كعادتى اتحيز لكاتبى المفضل انيس
انا من الناس اللى شايفه انه مش عيب انك تقرا اجاثا كريستى و لا حاجه تتطلب الاختباء انك تقرا عن الالحاد..او فى الدين...او فى السياسه...او ديون شعر او حتى مجله...المهم انك تستمتع لانك من حقك وقت خاص بيك
بستغرب من الناس اللى بتقرا كتاب 4 مرات و تاخد ملاحظات...هى فيزيا؟؟..هى مش ثانويه عامه يعنى...ده فن ,ادب,خيال مش فيزيا ثانويه عامه
0 التعليقات:
إرسال تعليق
حلو؟؟ وحش؟؟ طب ساكت ليه ما تقول....