خواء تانى

عزيزتى رفايع يا اللى بتصبرى عليا لما بكرر كلامى و انفعالاتى المملة

انا لسه عندى خواء يا رفايع ، لسه مش لاقية حاجة اقولها ، لسه معنديش شئ اضيفه للمحتوى

طيب بكتب الكلام ده ليه؟ عشان مينفعش نسكت....مينفعش نسكت ليه؟ الحقيقة ما اعرفش بس هذا ما وجدنا عليه ابائنا

اكلمك شوية عن غرابه افلام خيرى بشارة؟ او احكى ليكى عن حبى للوحة الخلق بتاعة مايكل انجلو ؟ طيب ارغى معاكى عن الفوايد العميقة اللى اخدتها من عمنا فراس السواح و كتبه؟ او عن شغف وول ديورانت الغير مبرر بالالياذة دون الاوديسا؟ او عن ترجمة محمد بدران المستفزة؟ عن فستان ليلى علوى فى فيلم اشارة مرور؟ عن النت اللى بيقطع اكتر ما بيجى؟ عن البطانية الحمرا اللى بكره شكلها و بحب الدفا المرتبط بيها؟ اقولك عن البقسماط التركى الجديد اللى ماما اشترته ليا؟ او عن الشاور جل اللى بريحة البطيخ اللى جه لاختى هديه؟

ولا اسكت....طب ما اسكت