الكذب المقدس

حته على جنب مرة تالته بمناسبه التعمق "النسبى" فى كلام ابن تيمية خصوصا و السلفيين عموما

من فترة كنت واقفة بين ممرضة مسلمة و دكتور كبير مسيحى و اذ فجأة اتفتحت سيرة الجواز ، فالدكتور قال انه بيهتم بالحب و ان الجواز علاقة مقدسه فى رأيه -الدكتور ده اولا رومانسى و ثانيا مسيحى متلزم- و انه بيستغرب ان الاسلام بيبح الجواز ب٤ ...الممرضة اتعصبت و قالت له انه بيتكلم غلط عشان مش مطلع على العقيدة الاسلامية و ان الجواز باكثر من واحدة له "شروط" و قواعد و قالت التعليل التقليدى بتاع الست اللى مش بتخلف

الدكتور اعترض و قال برضه الرد التقليدى "يعنى هيطلع له ٣ ستات مش بتخلف مره واحده؟ لو كان لكده كانت الاباحه بقت ٢" ...الممرضة وشها جاب الوان و قعدت تقنع فيه انه مش فاهم و لما يأست قالت مش فى الاسلام التعدد له شروط؟ ، قلت لها لا طبعا مفيش غير العدل بينهم و ده شئ نسبى  ربنا نفسه قال ان الراجل مش هيقدر عليه....غمزت لى و قال لا فى شروط فى القران طبعا....قلت لها محصلش

بعد ما الدكتور مشى ...قعدت تلوم فيا انى مكدبش على الدكتور معاها و انى احرجت الاسلام قدام "نصرانى" ، قلت لها كتير ان الاسلام مش محتاج حد يكدب عشانه ، بس هى مفهمتش حاجة

#الكذب_المقدس
#قالك_عامل_المسيحى_حلو_لحد_ما_يسلم_و_اول_ما_تيأس_منه_اقلبه