سيناريو:
مرسى يكسب...الميدان نصه يفضى...
يثار جدل على اين يحلف مرسى القسم...
يأمل الثوار ان يحلف امام مجلس الشعب "المنحل" ورفض الاعلان الدستورى....
يخذلهم مرسى و يقسم امام الدستوريه....
يتحفظ على الاعلان الدستورى بس هيقفبله فى الاخر....
يزعلوا الثوار و يحسوا انهم اتخدعوا و ان حكم العسكر لم يسقط...
مظاهرات يومين و خلاص تنتهى بالتدريج مع بقاء قله فى الميدان.....
يزلوا شباب الاخوان يبقولوا للناس بلاش تظاهر عشان الريس يعمل "النهضه"...
حوار مجتمعى كبير عن الاستقرار و عجله الانتاج و شرعيه الصندوق...
انتخابات جديده برلمانيه...
برضه الاخوان ياخدوها....
اللجنه الدستوريه تعمل دستور زى الطين محدش يرضى بيه...
استفتاء جديد و نرجع لنعم و لا....
يدفع الليبرالين الناس ل لا و الاسلاميين لنعم
يطلع الاستفتاء نعم و نلبس دستور متفصل
و نعيش 4 سنين فى حكم عسكرى و اخوانى دفعه واحده....
البس يا شعب عشان خارجيين
8 التعليقات:
تحليل جميل .. وموضوعي تحياتي شاركينا جمعة التاريخ الأسود20 يوليو مع التحية
والله الواحد حاطط ايده على قلبه
ربنا يستر
ربنا يستر ويهدي الحال ويولي من يصلح بإذن الله
:-)
تحياتي لكِ
تقبلي مروري
ربنا يستر بجد ومابقاش الموضوع كده
والا هتبقى 4 سنين زى الفل يعنى
ان شاء الله خير
بصي هو مبدئيا أنا مش متفاءلة و بما إنك بتتكلمي سياسة فتوقعي إني هرغي كتير على فكرة
أنا كنت حاسة إنها هترسى على مرسي و أنا مبحبش مرسي مش عشان هو مرسي بس عشان طبعا كلنا عارفين إن أي حد إخوان فيبقى حكم المرشد بقى ما كان يرشح نفسه و خلاص
لما شفت الاعلان المكمل قلت لا يمكن يحتاجوه لشفيق يعني ما هو حبيب قلبهم
المهم ، دلوقت أكيد مصر في مفترق طرق جديد ، الإخوان طول عمرهم يخذلو مصر و يخذلو نفسهم و يخذلو العالم العربي كله و خلو كله ـ اللي فاهم يعني ـ يلعن ناس اسمهم إخوان لأنهم بالضببببط في مفترقات الطرق دي مبيعرفوش يتصرفو و يعملو صفقات و كدة قريب هيعملوها مع الشيطان بقى
أتمنى و الله و الله إن السيناريو دة ـ اللي أنا برضه عدى في بالي من أول ما بقى مرسي و شفيق في الإعادة ـ أتمنى السيناريو دة يفضل بس توقعات و يفاجؤونا الإخوان بمستوى حوار جديد و حوار وطني مش حوار إسلامي ، مصر تستحق أكتر من كدة و الله و البركة فيكو انتو ولاد مصر ، لو الإخوان مكملوش ، كلمو انتو
سوري على الإطالة
و ربنا يستر
سلامي
بجد ربنا يستر ع البلد ويارب مرسى يقدر ينفذ الوعود اللى وعد الناس بيها
الكلام جميل جدا بس أنا عاوز يفهم ليه ؟
دوماً موفقين ... وبأنتظار الجديد ..
إرسال تعليق
حلو؟؟ وحش؟؟ طب ساكت ليه ما تقول....