بالمناسبه بقى فى كتب نسج حواليها هاله ضخمة كده زى كتب "نوال السعداوى" و "سيد قطب" و "سيد القمنى" و "فرج فودة" لكل لسبب مختلف
و اهلى كانوا بيصوروا الكتب دى ليا كأنها "شمس المعارف" كده اول ما هتفتحتها هيتحضر العفريت و مش هتعرف تطرده...هتلاقى الافكار نطت فى وشك زى الوطواط و هتقنعك بيها غصب عنك
الحقيقة ده هرى...كتب الجماعه دول فيها اخد و رد و نقاش و تنقنع بحاجات اه و حاجات لا
ههههههه اذكر يوم ما بابا شافنى لما كنت بقرا كتاب لنوال السعداوى و لاجل الحظ المنيل كان اسمه كمان "المرأة و الجنس" الراجل وشه اصفر و اخضر و قعدت اقنع فيه انه كتاب عادى و ان دماغى مش هتبوظ ولا حاجة
و يوم ما ماما شافتنى بقرا "معالم فى الطريق" وشها اصفر برضه قال يعنى تخيلت انى هاخلص الكتاب من هنا و البس خمار و اشيل صورة مرسى و شارة رابعه و انزل اهتف: الانيكلاب هو الارهاب
1 التعليقات:
يمكن عندك حق بس يمكن
فيه ناس بتقنع بحاجات اه و حاجات لا عشان هي واعيه يعني بتقرأ في ده و في ده و عندها قدره انها تستقل برأيها و تشكله من مصادر مختلفه !!
بس الأغلبيه بيقتنعوا لان ده بييكون المصدر الوحيد او هما شايفين ان الاسلام هو الحل و الرغي ده كله و بالتالي كلامهم منزل من السما
إرسال تعليق
حلو؟؟ وحش؟؟ طب ساكت ليه ما تقول....