فى الفيلم تتهادى البنت "المعقده" ام نضارات سميكه فوق عينيها مع الشاب الروش طحن...يبص لها قوى و يقول لها انتى لابسه النضاره دى ليه؟؟ انتى بتخفى جمالك..و يقوم -بكل رومانسيه- بنزع النضارات عن وجهها ...فتبتسم و تتحول فى المشهد التالى لمزه على حين غره كده
سؤالى بقى: انتى لابسه نضاره و سميكه كمان يعنى نظرك ضعيف ولا لابساها عياقه؟؟...ازاى لما شال النضاره عينكى نورت كده فجاه ؟؟...ايه كلهم جراحين عيون و عملوا لك لايزك و انتى واقفه؟؟...و لنفترض انك هتلبسى عدسات لحقتى عملتها فى نص ساعه!!!!!!!...عجبت لك يا زمن
و ده حب ايه المنيل ده؟؟...هو يمشى و يجرها وراه زى العمى ....دى ممكن من وجع عينيها تمشى مع واحد تانى من غير ما تاخد بالها اصلا
الحركه دى حصلت فى افلام كتتتير عربى و انجليزى منهم فيلم ازااى تحب البنات تحبك و phat grilz
و تقولى سيما...سلامااات يا سيما
3 التعليقات:
انتى جاااااااااامدة جا كلامك و كتاباتك تحفففة بجد استمرى ...انا بنت فى طب زيك برضو ..انتى لسه فى سنة خامسة و لا خلصتى ..انىت بجد موهووووووبة كتابة و انا بحب اقرا الكتب اللى انتى رفعاها ...استمرى :)
ايه الكلام الحلو ده كله؟؟ :)
انا خلاص خلصت سنه خامسه التاريخيه و النتيجه الاسبوع الجاى ادعولى
كتير اوى ببقى نفسى اعمل عدسات لاصقه..او عملية الليزك علشان اتخلص من النظاره بتاعتى..
بس أول ما بقلع النظاره بحس ان فى حاجه كبيره اوى نقصانى..فضلت اقنع فى نفسى انى من غيرها أحلى بشهادة الشهود..وبحكم قضائى لازم اتخلص منها..
أكتشفت ان مينفعش اعيش من غير نظاراتى..بقيت جزء لا يتجزاء من شخصيتى..
مش مستنيه الفارس اللى يجى يقولى عنيكى حلوه ليه مخبياها والافلام المصرى القديمه دى ..
اللى عاوزنى هياخدنى زى ما انا..بعبلى زى ما بيقولوا يعنى ..
فى الاخر بقى..انا عرفتك من تعليقاتك على جوود ريدز..انتى زى العسل ونقدك للكتب لاذع ..بس بتجيبى من الاخر ..وشكرااااااا جداااااا على الكتب اللى بترفعيها بالروابط المباشره..
ربنا يكرمك ويوفقك وتتخرجى من الكليه دى على خير..حاسة بمعاناة طلبة الطب من أصحابى اللى سبقوكى..:)
إرسال تعليق
حلو؟؟ وحش؟؟ طب ساكت ليه ما تقول....