التالى هو تحفظى على قراءتى الاولى للمسودة النهائيه للدستور....عشان محدش يقول اننا بنتقد من غير ما نقرا...الترتيب تصاعدى...يبدأ بالاستغراب و التعجب و يتسلسل الى المواد المرفوضه قطعا
ههههههه لا حلوه...انتوا معرفتوش تظبطوها فتقريبا سبتوه فاضى...اسفه على اللفظ بس ايه ده؟؟
الجملة ماشية كويس ...بس مش فاهمه سبب اقحام جمله "وذلك على النحو المبين فى الدستور." دى !!!
مش تريقه المره دى بس سؤال: السنة و عرفناها -مع ان عندنا مشكله مع الاحاديث الصحيحة او المغلوطة- ....بس يعنى ايه الجماعه؟؟
***********************************
ملاحظات عامة:
باب الحقوق خلص و فعلا مفيش ولا ماده ضد التمييز عن اساس الجنس ...و الكلام عن المواطنه "مطاط" مش محدد
وجود مجلس شورى فى الاصل مرفوض بالنسبه لى...كما ان عدم تحديد ملامح لنائب الرئيس و وظائفه مرفوض...و كنت افضل ان يتم تعديل طريقة الانتخاب زى امريكا و يتم انتخاب الرئيس و نائبه معا
لو الدستور كان اتعمل اثناء حكم العسكر مكنش هيطلع كده...وضع الجيش مميز بمبالغه اوفر لا مناقشه ميزانيه محترمه ولا اى حاجه
مهتمين بتحصين الدستور اكتر من اهتمامهم بخلق شئ يستحق التحصين فى الاصل
و تذكر ان رفضك لمادة واحده تعنى رفضك للدستور كله
**********************************
كل اللى فات ده حماده و اللى جاى حماده تانى....انا بتحفظ على كل دول...و بسبب المادتى 198 و 202 سأصوت بلا تردد ب لا...من الاول كده..و من الاخر برضه....نفسى اكتب فى ورقه الاستفتاء "عبو ده دستور" بس بلاش عشان الصوت ميبقاش باطل فكفايه "لا"
و اخيرا المادة الكارثيه الماده 198 هى ماده "القطيعه" بينى و بين الدستور ده...مش هانزل اوافق على دستور فيه محاكمه عسكرية للمدنيين تحت اى بند...فى القضاء العادى الكفايه..الماده الحمراء..الماده 198 قتلت الدستور بالنسبه خلاص...مات الكلام
0 التعليقات:
إرسال تعليق
حلو؟؟ وحش؟؟ طب ساكت ليه ما تقول....