بما ان ده أسبوع النوستالجيا فى حوليات فضلت اعصر دماغى من الصبح على حاجة ليها علاقة بالحنين...و بغض النظر ان تلت اربع اللى بنكتبه اصلا له علاقة بالماضى..لكن كلمة نوستالجيا عندى تساوى شئ واحد و واحد بس...الساعه 10 صباحا فى القناة الثالثة و فترة الكارتون...و فترة الكارتون تساوى شئ واحد انه عزيزى مازنجر
مازنجر ..مازنجر..البطل الشجاع..
قواه الجبارة..تحارب الأعداء..
مارد يحارب ..في البر أو في الماء..
مارد يحارب..أطلق الصاارووخ ..
لقد حان الوقت ..و أنتصف النهار..
تجهز تحضَار ..لإطلاق الناار...
مازنجر...مازنجر ززززززززززززززى
*****************************
بما ان الايام مرت بقى لازم اوجه الاسئلة اللى وقفت فى زورى من زمااااااان
اولا: هو البطل كان بيقود الجهاز الضخم اللى طوله 6 ادوار ده ببساطة كده ازاى؟؟
هههههه يا اخواتى انا كنت بتفرج على العبط ده ازاى؟؟ دا انا عربيتى فيها ادوات اكتر من الكام دراع و و زار دول...بقى كووووووول الجهاز المعقد ده اللى بيجرى و ينط و يهزم الاعداء يبقى من جواه بسيط و لذوذ كده؟؟
و الاهم بقى ان كل ما مازنجر كان بيضرب كان البطل يتوجع بداله؟؟ هو فى ارتباط عضلى عصبى بينهم ولا حاجة؟؟
*****************************************
و كله كوم و "الحوامة" دى كوم تانى خاااااااااالص
و مين من جيلنا مكنش نفسه فى بتاعه من دى؟؟ يروح بيها المدرسة و عند جدو..و كفاية انها حمرا و بتلمع و اهى تعمل شغل قدام العيال فى المدرسة و انت نازل بيها و بعدين تقلع الخوذة و تنفض شعرك يمين و شمال و صاحبك واقفين متغارين ...ههههه كان حلم قديم عندى و عند غيرى
*****************************************
نجى بقى لاسلحة الاخ مازنجر الفتاكة بالقوى
اول ما عمو مازنجر يتزنق قوم قاطع دراعه و يطلع الصواريخ...و احيانا يقطع دراعه يلف يضرب الوحش فى وشه و تلف توماتكى توماتكى و ترجع تتلزق مكانها تانى...ياااااه يا اما حلمت انى اعرف اقطع دراعى يضرب الدكتور فى المحاضرة و يرجع يتلزق تانى ولا بلاش لاحسن كان فى بعض الحلقات الوحش بيدمرها و كان اونكل مازنجر يرجع مقطوع الايدين و يعملوا له غيرها, انما انا الاقى مين يعملى دراع تانى لو ضاع؟
"الاشعة تحت الصفراء" كنت بسميها كده زمان...كانت عينيه بتطق شرار لما يزعل...و انا صغيرة كنت بحس ان ماما عينها بطلع حاجات زى دى لما بتغضب...و كانت كالعادة الاشعة دى بتسيح الوحش الشرير مع ان الوحش التانى ده المفروض انه فولاذ يعنى مش هيسيح بالعبط ده
ده غير انه طبعا كان بيطير ...ازاى بطل خارق و مش بيطير يعنى؟؟ بيطير ازاى؟؟ مش مهم يا عم المهم انه بيطير و خلاص
*****************************************
نجى بقى للمسخرة اللى فى المسلسل اللى اسمها افروديت دى
انا رأيى ان افروديت دى ضيعت قضية المرأة...مع انى المفروض انى اكون سعيدة بان فى سوبر هيرو ست لا و ماشاء الله عليها روبرت عملاق كمان...لكن كونها بتضرب من الرايح و الجاى و مسخرة المسلسل و بتدغدع كل حاجة كان مخليها مدعاة لليأس اكتر منها للفخر
ده غير ان سلاحها الوحيد كان احممم "صواريخ بتطلع من صدرها" و علامة جنسية اتعجب من اقناعنا بها كأطفال...و خد كمان ان مكنش ليها اسلحة غير كده, بمجرد ان الصاروخين بتوعها يطلعوا و عاده مش بيدمروا حاجة كانت بتقف زى العبيطة و تستنى بقى اونكل مازنجر ينقذها
لا بس كانت ست جدعه احيانا ...هى صحيح احيان قليلة جدااا بس اهو احسن من مفيش يعنى
**********************************************
اما بالنسبة لاصحاب ماهر و اخوه فكانوا عيال عبط بشكل ...ههههههه و منهم عيل مناخيره دايما سايبه كان شئ مقزز قوى
و صوتهم فى الدوبلج كان مسخرة هو كمان يا رفيييع قوى يا تخييين قوى
***********************************************
لكن المسخرة كانت تكمن فعلاااا فى "المزدوج" عدو مازنجر الاول
المزدوج اللى نصه راجل و نصه ست ...هههههه انا بستغرب احنا كانوا بيفرجونا على الحاجات دى ازاى و احنا صغيرين؟ بقى بطل مسلسل كارتون يبقى خنثى؟ يخرب بيت كده يا جودعان
********************************
نجى بقى للسؤال الذى حيّر الملايين: هو ايه الفرق بين مازنجر و جرندايزر... يااااااااااه احنا سألنا نفسنا السؤال ده كتييير قوى...نفس الرسمة, الاسلحة شبه بعض, بس الفرق ان اونكل جرندايزر فضائى كمان
عموما لو انت مهتم بالموضوع فى حد ملخص الفرق بينهم فى 3 صفحات :)
http://www.montada.com/showthread.php?t=247726
*********************************
قال نوستالجيا قال....دا احنا عايشين اصلا جوه الماضى ده
/>
مازنجر ..مازنجر..البطل الشجاع..
قواه الجبارة..تحارب الأعداء..
مارد يحارب ..في البر أو في الماء..
مارد يحارب..أطلق الصاارووخ ..
لقد حان الوقت ..و أنتصف النهار..
تجهز تحضَار ..لإطلاق الناار...
مازنجر...مازنجر ززززززززززززززى
*****************************
بما ان الايام مرت بقى لازم اوجه الاسئلة اللى وقفت فى زورى من زمااااااان
اولا: هو البطل كان بيقود الجهاز الضخم اللى طوله 6 ادوار ده ببساطة كده ازاى؟؟
و الاهم بقى ان كل ما مازنجر كان بيضرب كان البطل يتوجع بداله؟؟ هو فى ارتباط عضلى عصبى بينهم ولا حاجة؟؟
*****************************************
و كله كوم و "الحوامة" دى كوم تانى خاااااااااالص
*****************************************
نجى بقى لاسلحة الاخ مازنجر الفتاكة بالقوى
*****************************************
نجى بقى للمسخرة اللى فى المسلسل اللى اسمها افروديت دى
انا رأيى ان افروديت دى ضيعت قضية المرأة...مع انى المفروض انى اكون سعيدة بان فى سوبر هيرو ست لا و ماشاء الله عليها روبرت عملاق كمان...لكن كونها بتضرب من الرايح و الجاى و مسخرة المسلسل و بتدغدع كل حاجة كان مخليها مدعاة لليأس اكتر منها للفخر
**********************************************
اما بالنسبة لاصحاب ماهر و اخوه فكانوا عيال عبط بشكل ...ههههههه و منهم عيل مناخيره دايما سايبه كان شئ مقزز قوى
***********************************************
لكن المسخرة كانت تكمن فعلاااا فى "المزدوج" عدو مازنجر الاول
********************************
نجى بقى للسؤال الذى حيّر الملايين: هو ايه الفرق بين مازنجر و جرندايزر... يااااااااااه احنا سألنا نفسنا السؤال ده كتييير قوى...نفس الرسمة, الاسلحة شبه بعض, بس الفرق ان اونكل جرندايزر فضائى كمان
عموما لو انت مهتم بالموضوع فى حد ملخص الفرق بينهم فى 3 صفحات :)
http://www.montada.com/showthread.php?t=247726
*********************************
قال نوستالجيا قال....دا احنا عايشين اصلا جوه الماضى ده
1 التعليقات:
فكرتيني باخواتي وهما بيحضروا ون بيس المطاط اللي انا بكرههيلا نسيبهم يستمتعوا بيه مع اني مش ازاي ممكن يكون للاستمتاع :)
إرسال تعليق
حلو؟؟ وحش؟؟ طب ساكت ليه ما تقول....